Flugmódelspjallið - flugmodel.net

Áfram heldur Pilot-RC smíðin, nú er komið að 25% Sbach 342 sem verður með DLE-30 og Spektrum A6020 servó sjá um helstu stjórnfleti. Hér eru nokkrar myndir frá samsetningunni, Ingólfur setur svo eflaust eitthvað annað inn líka.

Smá svipur með henni og stóru systur!


Eitt af fyrsta verkunum var að koma mótornum í.


Þá þurfti að taka úr vélarhlífinni.


Neðri festingargötin fyrir vélarhlífina voru ekki boruð svo sama aðferð og er notuð til að merkja fyrir pústinu var notuð til að bora þau á réttan stað.


Voila, smellpassar!


Tvö rif voru brotin í öðrum vængnum.


Þá var komið að föndurhorninu.


Enn vandast málið...


Ja hérna hér.


Hmmmm... var ég ekki löngu búinn að þessu!? :/


Þetta er s.s. ein leið sem hægt er að nota þegar skera þarf út fyrir hlut en erfitt er að koma honum að til að merkja.


Þetta er snúningshraðamælir, svona ef menn voru að velta því fyrir sér.




Drápsrofi á sínum stað.


Plata fyrir móttakara og spennujafnara.


Mótorboltarnir eru of stuttir svo kaupa þarf nýja.


Innsogið, loksins fann ég not fyrir litlu Hitec álarmana!
Fóðrað með plaströri til að koma í veg fyrir óþarfa málmnudd.


Lítur bara bærilega út.


Innsog af.


Innsog á.


Laglegustu línur!

Hornin hefðu mátt vera örlítið utar á hallastýrunum en þetta sleppur þökk sé kúlutengunum. Getur líka vel verið að við færum tengið innar á servóhorninu ef þetta er „of mikil“ hreyfing.


Hliðarstýrið var því næst límt í.


Næst var komið að bensíntankinum, skipt var um slöngur og þær lagðar samkvæmt kúnstarinnar reglum.


Öndunin var tekin niður úr vélinni.


Móttakarinn og spennustillirinn.


Verklegt servóhorn fyrir hliðarstýrið.


Topplokið var skrúfað á til að hægt yrði að komast að bensíngjafarservóinu í framtíðinni.


Hæðar- og hliðarstýri frágengin ásamt stélhjólsstýringu.

Hvaða spennujafnara ertu með á þessu?

Á að tengja lypo inn á hann?
Note: hann er gefinn upp 4.8v til 12v. Fer Lypo ekki upp í 12.6v?

Sæll..

Það verður: 2*2200mAh 7.4V (2S).

Annað fer í Batt á móttakara (AR7000) og hitt fer með Y inn á throttle á móttakara.

Kveðja,

Ingólfur.

Jæja, ætli það sé ekki kominn tími til að klára frásögnina, 15 tímar fóru í gripinn svona fyrir þá sem eru að telja.

Hér er búið að setja loftstýringar í vélarhlífina, eigandi fær svo að dunda sér við að mála þær.


Einhvers staðar þarf heita loftið að komast út, allt í rétta átt.


Hér er byrjað að lita servó- og stjórnhornin svo þau verði ekki jafn áberandi.


Rafhlöðurnar enda fram í.


Sáttur eigandi með gripinn.

Hvað er svona 25% vél fyrirferðarmikil? Lengd og breidd...

Er að huxa um plássið í bílnum...

Vélin sjálf er 165 cm á lengd, það er hægt að skrúfa hæðarstýrin af ef menn kjósa. Hugsa að hún sé ekkert fyrirferðameira en Katana sem þú átt.

Einhver sérstök mál sem þú ert að spá í?

Flott Vél

Til Lukku með gripinn,



kv
Friðrik