Mótorskipti

[Sverrir]

Eins og einhverjir hafa sjálfsagt tekið eftir þá hefur mótorinn í TF-FMS ekki verið upp á sitt besta og þar sem Gunni átti mótor á lausu ákváðum við að skella honum í vélina. Mótorinn er Zenoah 80 svo það ætti ekki að skorta aflið, jafnvel hægt að draga allar svifflugur landsins í loftið í einu eins og Einar orðaði það.

Kastklukka hvað... talsverð skekkja þarna á ferð.


Tók ekki langan tíma að losa kubbinn enda í sjálfu sér bara „spacer.“


Leifarnar hurfu fljótt með sporjárni.


Pússikubbur sá svo um rest.


Gera þurfti ný göt til að koma fyrir gaddaróm og auðvelda aðgengi við aðgerðina.


Þessi þynging fannst límd við botninn þar sem lúgan var sett.


1 lbs sem blýklumpurinn vigtar.


Þannig að með þyngdinni á Zenoah 62 þá ætti Zenoah 80 ekki að vera svo fjarri lagi þyngdarlega séð.


Gömlum götum í eldveggnum var lokað og tekið úr þríhyrningslistunum fyrir mótorbúkkanum.


Efri götin fyrir mótorfestinguna lentu á frekar óheppilegum stað.


Smá vinna með bor og sporjárni og þá var hægt að koma gaddaróm fyrir.


Það þarf að gera talsverðar breytingar á vélarhlífinni svo ráðist var í smá endurbætur á henni. P38 og trefjadúkur voru notuð til að loka gatinu.


Smá putty til að fylla upp í misjöfnurnar.


Smá fylligrunnur.


Þá vantar bara smá litasamhæfingu.


Bensíntankurinn kominn á „nýjan“ gamlan stað.


Búið að smíða lok og ganga frá því.


Servó fyrir bensíngjöfina, hægt að skrúfa bakkann úr ef við þurfum að komast að því síðar.


Hér sést mótorinn svo á eldveggnum og aðeins í lúguna efst á skrokknum, næst á dagskrá er svo hrikaleg skurðaðgerð á vélarhlífinni! :/


Svo þarf líka að vera hægt að nýta mótorkraftinn!

[Gaui]

Flott úttekt á verkinu. Haldið áfram, maður lærir helling.

[Flugvelapabbi]

Sælir drengir,
af hverju farið þið ekki alla leið og klæðið velina með alvöru duk og skiptið ut hjolastelli og hallastyrum,
gera þetta að flottum Piper CUB?
Kv
Einar

[Eysteinn]

Það væri líka gaman að fá þessa í heimsókn til okkar í sumar þegar Piper Cub mótið verður haldið hátíðlega á Hamranesi

[Sverrir]

Það er bara svo seint á ferð við erum yfirleitt búnir að pakka í kerruna fyrir norðurför og stundum farnir. :/

En auðvitað væri gaman að kíkja.

[Sverrir]

Dráttarkrókur og sleppibúnaður.


Chop, chop.


Spaðinn kominn á og bensín á leiðinni.


Þá var bara að setja í gang!

[Ágúst Borgþórsson]

Gunni!!! nú er kubburinn klár í þrídíið

[Sverrir]

Við Gunni ákváðum að skoða hvernig kæmi út að vera með uppdraganleg hjól á Cub-num.


Gerir hins vegar ekki mikið til að draga úr viðnáminu.


Svo Gunni fór til flugvélapabba og tók námskeið í teygjun.


Allt annað líf! Steini farðu að hlaða sviffluguna!!!

[Gaui]

Við hér fyrir norðan uppgötvuðum að það er frábær teygja í tjöldum sem seld eru í Rúmfó. Þessi tjöld eru með stangir (úr kolfíber???) sem eru gerðar ú rörum og inní þeim er teygja sem hentar ághætlega í hjólastell á Fokker D VIII og aðrar slíkar. Og verðið á tjaldinu er ekki langt frá verði á teygjupakka í Vogue.

[Björn G Leifsson]

[quote=Gaui]Við hér fyrir norðan uppgötvuðum að það er frábær teygja í tjöldum sem seld eru í Rúmfó. Þessi tjöld eru með stangir (úr kolfíber???) sem eru gerðar ú rörum og inní þeim er teygja sem hentar ághætlega í hjólastell á Fokker D VIII og aðrar slíkar. Og verðið á tjaldinu er ekki langt frá verði á teygjupakka í Vogue.

[/quote]
Snilld... Það er tjaldað því sem til er Er svo ekki hægt að nota stangirnar í vængstífur og tjalddúkinn í klæðningu og afganginn í fallhlíf ?