Flugmódelfélög og FPV

[raRaRa]

Ég vildi aðeins forvitnast hvernig FPV mál standa hjá flugmódelfélögum á íslandi í dag. Ég hef séð félög úti sem eru alls ekki ánægðir með FPV og yfirleitt sparka þeim út sem stunda það.

Mitt helsta áhugamál í kringum flugmódel er FPV og var það upphaflega það sem fékk mig inn í þetta hobby, sennilega hjá öðrum líka.

Hvað er ykkar álit á þessu máli, finnst ykkur óþægilegt að hafa fólk sem er að fikta með FPV á flugvellinum? Eru þeir meira fyrir en aðrir eða hættulegri?

Persónulega finnst mér ekkert að því meðan við fylgjum þeim reglum sem gilda nú þegar almennt um flugmódel, hvort sem þau eru FPV eða ekki.

Það væri gaman að heyra álit ykkar.

[Spitfire]

Ef þú gengir Módelsmiðjuna, þá segir þetta myndband allt um staðinn sem amk ég myndi "skikka" þig til að fljúga á



Nánari upplýsingar um völlinn eru hér ásamt góðum ljósmyndum.

[Tóti]

Ég reikna með að FPV málin séu í lausu lofti í flestum félögum, veit það svosem ekki með vissu.

Persónulega er ég ekkert á móti FPV ef menn fara bara varlega.
Hins vegar finnst mér ekki að flugmódelfélög ættu að tengjast þessum arm sportsins.

[Gaui]

Við höfum rætt FPV málin smávegis hér fyrir norðan og erum að sjóða saman reglur. Vandinn sem við stöndum frammi fyrir er tvíþættur: Annars vegar fljúgum við á flugvelli þar sem umferð fullstórra flugvéla og sviffluga er algeng. Við verðum að taka tillit til þeirra og fljúga á afmörkuðu svæði sem þeir hinir reyna að forðast. Hins vegar erum við undir aðflugi farþegaflugvéla að Akureyrarflugvelli. Það setur okkur þau takmörk að við getum ekki flogið eins hátt og okkur sýnist.

Reglurnar sem við ætlum að setja okkur verða að taka mið af þessu.

[Valgeir]

[quote=Gaui] Það setur okkur þau takmörk að við getum ekki flogið eins hátt og okkur sýnist. [/quote]

Og síðan er vandamálið að vita hve hátt fólk fer án þess að skikka það til að nota osd.

[Gaui]

Við vorum að spá í að skikka menn til að vera með spotter og módelið má þá aldrei hverfa honum úr augsýn!

[Agust]

[quote=Gaui]Við vorum að spá í að skikka menn til að vera með spotter og módelið má þá aldrei hverfa honum úr augsýn!

[/quote]



Er þetta ekki einmitt ófrávíkjanleg krafa þar erlendis sem reglur hafa verið settar um svona flug?

[einarak]

[quote=Gaui]Við vorum að spá í að skikka menn til að vera með spotter og módelið má þá aldrei hverfa honum úr augsýn!

[/quote]

Mín skoðun er sú að þannig reglur myndu fæla fpv menn frá klúbbunum og þeir munu halda sinni yðju áfram hver í sínu horni fjærri flugmódelvöllunum. Nema náttúrulega að það sé markmiðið með reglunum?

[Gaui]

[quote=einarak]...þeir munu halda sinni yðju áfram hver í sínu horni fjærri flugmódelvöllunum. [/quote]

Ég er ansi hræddur um að við getum ekkert annað vegna þeirra aðstæðna sem hér eru.

[quote=einarak]Nema náttúrulega að það sé markmiðið með reglunum?[/quote]

Ég myndi ekki segja að það sé tilgangurinn með svoleiðis reglum, en ég myndi sjálfur ekki gráta það þó FPV flug væri ekki að setja aðflug að Akureyrarvelli í hættu.

[einarak]

[quote=Gaui]

Ég myndi ekki segja að það sé tilgangurinn með svoleiðis reglum, en ég myndi sjálfur ekki gráta það þó FPV flug væri ekki að setja aðflug að Akureyrarvelli í hættu.

[/quote]

En með þessum reglum þá minka ekki líkurnar á því, það verður bara gert annarsstaðar en frá flugvellinum ykkar og þá sennilegast með minni meðvitund um hættuna. Því þeir sem hafa ástríðu fyrir sínu áhugamáli koma til með stunda það, sama hvað allir aðrir segja.
Þessvegna á að fá FPV menn í klúbbana og leifa þeim sjálfum að vera með í ráðum um hvernig reglurnar eiga að vera svo hobbýið haldi áfram að vera skemmtilegt.