Flugmódelspjallið - flugmodel.net

Hin árlega stórskalaflugkoma Einars Páls var haldin að Tungubökkum í dag. Þoka lág yfir flugvellinum fyrst um morgunin en tók svo fljótt upp eftir því sem leið að hádegi. Mikið var flogið, mikið spjallað, tvær vélar voru frumsýndar, þar af önnur í annað sinn en hún skemmdist á afmælisflugkomu Þyts sem einmitt var haldin á Tungubökkum sumarið 2010.

Sigurjón og Hafsteinn sýndu einnig samflug sem Rauðu Örvarnar hefðu verið stoltar af og mikil hreyfing var yfir daginn af loftförum af öllum stærðum og gerðum. Hin fornfræga Catalina hóf sig einnig til flugs eftir smá hlé, alltaf jafn glæsileg í Loftleiðalitunum! Hrannar kom einnig og náði í Sopwith Pub sem hann keypti af Skildi og tók reynsluflug á hana í leiðinni.

Glæsilegar veitingar voru á boðstólum venju samkvæmt og var þeim gerð góð skil ásamt ómældu magni af kaffi sem rann ofan í viðstadda flugmenn.

Hægt er að sjá fleiri myndir í myndasafninu.

Einhvers staðar á vesturvígstöðvunum.


Óskum Einari til hamingju með nýju vélina.


Læknavaktin








Óskum Gústa til hamingju með „frumflugið.“


Pub að verða klár í ferðalag vestur.


Ætl'ún sé blýþung!? * búmmtish *


Tapað, fundið, þeir sem voru á svæðinu í dag eru beðnir um að gaumgæfa módelin sín ef ske kynni að þessi hluti pústkerfisins væri glataður!

Áhugasamir geta séð fleiri myndir í myndasafninu.



























Draumar

Tæpt var það, en um borð í trukkinn fór skrýmslið

[quote=Spitfire]Tæpt var það, en um borð í trukkinn fór skrýmslið [/quote]

Það er ágætt að hún fór vestur á firði, því hún byrjaði líf sitt þar.

[quote=Gaui][quote=Spitfire]Tæpt var það, en um borð í trukkinn fór skrýmslið [/quote]

Það er ágætt að hún fór vestur á firði, því hún byrjaði líf sitt þar.

[/quote]

Takk fyrir það Gaui, vonandi líkar henni lífið á æskuslóðum. En gleymum okkur ekki alveg, myndir, myndir

Þetta er baaaara flott hjá ykkur!

Gott ef þetta toppar ekki sumarið, gott veður, fínir félagar, kaffi eins og maður gat í sig látið, og....meðlæti. og hver flugatburðurinn eftir annan.
Eins og maðurinn sagði "Tóm sæla".
Ég þakka fyrir þetta allt saman, og sérstaklega gestrisnina, hún er fáu lík.
Þarf að renna yfir myndirnar mínar, annars sýnist mér þetta vera komið, flottar myndir

Þakka ykkur öllum sem mættu a Storskala flugkomuna a Tungubökkum i gær, vona að allir hafi notið vel.
Sjaumst vonandi allir að ari.
Modelin voru 25 stk. og mikið flogið þo dagurinn hæfist með svarta þoku en það byrti um 11 leitið og eftir
það helt engin velum a jörðu.
En og aftur takk fyrir komuna
Einar Pall Einarsson 8977676

Takk Einar Páll fyrir frábæra flugkomu og þessa frábæru aðstöðu. Ég þakka bara kærlega fyrir frábæran dag.

kv Steini litli málari.

[quote=Steinþór]Takk Einar Páll fyrir frábæra flugkomu og þessa frábæru aðstöðu. Ég þakka bara kærlega fyrir frábæran dag.

kv Steini litli málari.[/quote]


Tek undir allt hjá Steina. Takk fyrir mig Einar Páll, þetta er með betri dögum sem ég hef verið á í þessu "hobby". Það eru orðnar ansi margar flugkomurnar hjá þér á hverju ári. Aðstaðan glæsileg og frábærlega gaman að koma á "Bakkana". Þarna er flugið almennt beint í æð, fullskalaflug, módelflug, listflug á fullskala og módelum, samflug á fullskala og módelum, gerist ekki betra.

kv
MK