Flugmódelspjallið - flugmodel.net

Bendi mætti til mín í morgun með litla svifflugu, Wolfi frá Rödel Modellbau, sem hann er búinn að dunda sér við að setja saman í sumar. Við fórum yfir hreyfingar á stýrum og staðsetningu á jafnvægispunkti og þegar allt var eins og við vildum helst, þá var vængurinn tjóðraður á og rölt upp á tún fyrir ofan bílskúrinn til að sjá hvernig hún svífur.

Ég byrjaði á því að kasta henni sjálfur, en þá bara hlunkaðist hún í jörðina eftir nokkra metra.



Þá tók Bendi sig til og skutlaði flugunni af krafti.



Þá sveif hún eins og engill langar leiðir yfir túninu. Því miður tókst mér ekki að fá hana til að hætta því fyrr en hún var um það bil að fara fram af og hún hvarf sjónum okkar ofan í farveg Grísarár.



Við hlupum til og þetta blasti við:



Það eina sem kom í veg fyrir að flugan endaði í ánni var lítið jólatré sem sést efst til vinstri á myndinni. Björgunaraðgerðir voru framkvæmdar fljótt og fumlaust.



Og þá var hægt að taka mynd af módeli og smið:



Við hlökkum til að prófa að taka þessa flugu upp á spilinu okkar og í hanginu seinna meir.

Ég segi bara til hamingju með þetta Bendi og magnað framtak hjá þér

Til hamingju með sviffluguna Bendi, ég tek mína svifflugu með á melana næst og tek teigjuna með.
Kveðja
Kjartan

Flott sviffluga Bendi og til hamingju með frumflugið
GH