Miðvikudagsföndur Árna: Bixler fer í nefaðgerð - Krumpað frauð lagað

[Árni H]

Eins og sumir muna kannski eftir, þá lenti Bixlerinn minn í smávægilegu og bráðfyndnu flugatviki á Patró Intl. um daginn. Það var auðvitað gert við hann "til bráðabirgða" á staðnum og flogið áfram enda aðstæður allar hinar ákjósanlegustu. Nefið á Bixlernum var reyndar veikt og sprungið fyrir eftir aðrar misheppnaðar æfingar skömmu fyrir Patró eins og sjá má hér að neðan.

Það sem ekki var gert við á Patró var þetta myndarlega boxaranef, sem var komið á vélina eftir knockout höggið frá terra firma þeirra Patreksfirðinga. Boxaranefið hafði vitaskuld engin áhrif á flugeiginleikana og hefur verið svona síðan. Sumir kalla þetta útlit "hjúkkuklossa".



Í dag reyndi ég að rétta úr nefinu með því að stinga því í um það bil 90° heitt vatn og sjá svo hvað gerðist.



Nefið rétti snarlega úr sér eftir ca einnar mínútu bað og lítur nú mun betur út! Einfalt og fljótlegt



Svona má oft laga frauðvélar sem hafa lent í hnjaski - ég mæli með því að prófa þetta!

Kv,
Árni H Bixlerbróðir

[Gauinn]

Takk fyrir þetta, ekki veitir af svona ráðleggingum.

[arni]

Flott hjá þér nafni.Bixlerinn klikkar ekki.Hlakka til að hitta ykkur í ágúst.
Kær kveðja Árni F.

[hrafnkell]

Ég prófa þetta undir eins. Takk fyrir ráðið

[Haraldur]

Ef menn vilja ekki baða vélina þá er líka hægt að hella heitu vatni í tusku og setja hana svo yfir svæðið og þannig "sjóða" plastið. Svoleiðis náði ég út djúp för úr Wot4E vélinni minni. Hinsvegar fær plastið svokallaða krókódíla áferð og verður frekar gróft. En það er hægt að laga aðeins með fínum sandpappír.

[Árni H]

Ef plastid er nuddad lítillega medan tad er volgt má losna vid grófu áferdina ad mestu leyti.