Arnarvöllur - 24.apríl 2014

[Sverrir]

Í staðinn fyrir að vera sófakartafla þá skundaði Örn út á völl eftir kvöldmat með það fyrir augum að grípa gæsina milli skúra og skella sér í loftið. Þetta er ekki gert fyrir hvaða vél sem er heldur var kappinn svona spenntur fyrir því að prófa DA60 mótorinn sem var settur í Yak-inn þegar hann fór í C skoðun í vetur. Aflsmunurinn leyndi sér ekki og verður gaman að sjá Örn leika sér á henni í sumar!

Maggi tók svo fyrsta glóðarflug ársins, bæði sitt og vallarins, á gamla góða Aircore. Ég var nú eiginlega að vona að við næðum glóðarlausu ári!

Hvað gleður Gunna?


Maggi að veiða truflanir?


Nei, bara á rúntinum með Aircore.


Yak mætti út á völl eftir mótorskipti og C skoðun.


Spenningurinn leynir sér ekki!


Og upp fór hún!


Heitasta flug ársins, öfug hallastýri og allur pakkinn!


Aðeins rólegra flug.

[einarak]

Hvílík snilld, maður er bara orðlaus. Þarna var landsliðið að skila sínu. Aftur til lukku Örn, það verður gaman að sjá hana með þessum kjarnakljúf

[Sverrir]

[quote=einarak]Þarna var landsliðið að skila sínu.[/quote]
Já, sumir fengu að vinna fyrir kaupinu sínu!

[maggikri]

[Örn Ingólfsson]

[quote=Sverrir][quote=einarak]Þarna var landsliðið að skila sínu.[/quote]
Já, sumir fengu að vinna fyrir kaupinu sínu! [/quote]

Haha já "sumir" fengu að lenda Yak með 3D hreyfingar dauðans, mótor sem gekk eins og tussa og öfug hallastýri...

"Sumir" voru svo sannarlega þyngdar sinnar virði í gulli.

Takk Sverrir takk.

[Björn G Leifsson]

[quote]...öfug hallastýri...[/quote]

Komst Sverrir nokkuð í stýringuna? :rolleyes:

Neh, í alvöru? Það er risavaxið afrek að get tekið á loft, flogið OG lent á hjólunum með öfug hallastýri. Tek ofan fyrir þeim sem það geta.

[Örn Ingólfsson]

hehe ég er í raun að þakka Sverri fyrir að hafa lent fyrir mig eftir að ég var búin að hringsóla í nokkra stund með öfug hallastýrir.

Hann Sverrir hafði ekkert með þetta reverse að gera enda var ég að fikkta í þessu öllusaman kvöldið áður.

[Björn G Leifsson]

Góð regla að temja sér: Hvert einasta flugtak byrjar á því að gá hvort stýrin hreyfast og hvort þau hreyfast í rétta átt. Líka þó það sé fimmta flugtak dagsins. Gera það að "Kæk".

[Sverrir]

[quote=Örn Ingólfsson]Takk Sverrir takk.[/quote]
Sjálfsagt mál kallinn minn, þó það hafi alls ekki verið sjálfgefið að koma henni heilli niður. Ótrúlega vont að þurfa að berjast á móti vöðvaminninu og vandist það ekki á þessum stutta tíma, sem var þó furðu lengi að líða í minningunni. Keyptirðu ekki örugglega lottómiða!?

[quote=Björn G Leifsson]Góð regla að temja sér: Hvert einasta flugtak byrjar á því að gá hvort stýrin hreyfast og hvort þau hreyfast í rétta átt. Líka þó það sé fimmta flugtak dagsins. Gera það að "Kæk".[/quote]
Það má bara alls ekki verða þannig "kækur" að menn sjái bara stýrin hreyfast eins og Björn segir, þau verða að hreyfast rétt!!! Síðast í fyrra fór einn reynslubolti þannig í loftið svo menn verða að vera á tánum, alltaf!

[Örn Ingólfsson]

Keypti reyndar ekki lottómiða, ég lýt á lottó sem auka skatt á fátækafólkið.

Varðandi prefligth, þá geri ég það fyrir hvert flug en ekki bara eftir samsettnigu, en það virðist eitthvað hafa klikkað í þetta skiptið...