Flugmódelspjallið - flugmodel.net

Til hamingju P.R.U.M.P...... nei L.O.F.T..... nei ég meina L.Í.M þið stóðuð ykkur vel í að verja hagsmuni okkar:
http://ww2.caa.is/media/PDF/A_001_2014_ ... dalkur.pdf

Ég: "Ring - Ring, Góðan dag, er þetta hjá Lögreglustjóra?"
Löggan: "Já"
Ég: "Já þetta er ég aftur sem er að leika mér með fjarstýrðu Raptor 90 þyrluna, ég er búinn að fylla bensín og ætlaði að tékka hvort þið hefðuð einhverjar athugasemdir við að ég fljúgi 8 mínútur á svæði sem afmarkast af eftirfarandi hnatthnitum: 64°17'39N 20°10'42W, 64°17'37N 20°10'34W, 64°17'34N 20°10'35W, 64°17'37N 20°10'35W?"
Löggan: "Ef samþykkt, viltu þá fá staðfestinguna í bréfpósti eða faxi?"
osfr...

Nb. það sama þarf frá landeiganda og tryggingafélagi.

Þetta er bara fyrir < 5 kg
Þeir sem eru með módel < 20+ ættu að byrja á því aðhringja í lögfræðinginn sinn.

Vinsamlega athugið að fyrsta setningin í þessum pósi er kaldhæðni

Þetta er ekkert nýtt þarna kallinn minn þetta byggir á ENR-1.1.10 og hefur verið inni í ansi langan tíma, löngu fyrir daga LÍM.

Flugmódelfélögin eru umráðendur fyrir því landssvæði þar sem flugmódelflug er stundað og með tryggingar fyrir sína félagsmenn og ekki gera lögreglustjórar athugasemdir við starfsrækslu flugmódelvallanna. Annars afnam Flugmálastjórn/Samgönguráðuneytið skyldutryggingu flugmódela undir 20 kg með reglugerð 078/2006 svo ekki þarf tryggingu til að fljúga flugmódelum undir 20 kg þó svo að það sé að sjálfsögðu glapræði hið mesta að láta sér detta það í hug.

Svo getur nú ýmislegt verið í gangi þó það sé ekki útlistað nákvæmlega mínútu frá mínútu, það var t.d. haft samband við Samgöngustofu eftir að þetta AIC kom á vefinn.

Eftirfarandi upplýsingar skulu fylgja beiðni um starfrækslu ómannaðs loftfars:
1. nafn, kennitala, lögheimili, símanúmer og netfang umsækjanda;
2. nafn, kennitala, lögheimili, símanúmer og netfang þess sem stjórna á loftfarinu auk upplýsinga um hæfni og þjálfun;
3. lýsing á þeirri starfrækslu sem óskað er leyfis fyrir;
4. lýsing og kort af því svæði sem fljúga á yfir, þ.m.t. því loftrými sem óskað er eftir að fljúga innan (hliðar- og hæðarmörk);
5. lýsing á tækjum og búnaði sem notast skal við;
6. áhættumat fyrir þá starfrækslu sem óskað er leyfis fyrir, þ. á m. lýsingu á þeim ráðstöfunum eða mildunaraðgerðum sem gerðar eru til að tryggja ásættanlega áhættu við starfræksluna; áhættumatið skal innihalda að lágmarki:
a. lýsingu á því hvernig tryggt sé að flugið eigi sér stað eingöngu innan skilgreinds svæðis (bæði lárétt og lóðrétt) sem óskað er eftir fyrir starfræksluna
b. lýsingu á því hvernig aðskilnaður frá öðrum loftförum verður tryggður
c. lýsingu á því hvernig brugðist verður við óvæntum aðstæðum svo sem eins og við bilun í fjarskiptabúnaði eða sjónarmissi;
7. staðfestingu á tryggingum;
8. staðfesting frá lögreglustjóra í viðkomandi umdæmi um að ekki sé gerð athugasemd við umrætt flug;
9. staðfesting frá umráðanda þess landsvæðis sem fljúga á yfir, eftir því sem við á, um að ekki sé gerð athugasemd við fyrirhugað flug.

Mér þykir það mjög skýrt að þetta á við um hvert einstakt flug allra módela sem eru yfir 5 kg.
Lögreglustjórara þurfa ekki að gera athugasemd við starfrækslu vallanna , heldur þarf staðfesting að lyggja fyrir um að ekki sé gerð athugasemd að frumkvæði þess sem sækir um.
Varðandi tryggingar þá eru flugmódel (undir 20 kg) innifalin í hefðbundinni fjölskyldutryggingu eins og tildæmis F+.
Það hvað L.O.F.T. (kaldhæðni) gerir bakvið tjöldin kemur mér augljóslega ekkert við.

Ingþór

Ég ætla ekki að svara þér, vegna þess að það er augljóst að þú veist ekkert um hvað þú ert að tala -- og það er engin kaldhæðni í því!

Þetta er einmitt viðmótið sem ég átti von á.

Þú virðist nú sækjast eftir því Ingþór verð ég nú að segja :/