Flugmódelspjallið - flugmodel.net

Mummi er búinn að láta sér dreyma um ákveðna flugvél í fjölda ára. Fokker D-XXI. Fyrir þó nokkrum árum keypti hann teikningu og útskurð og í kvöld kom hann með þetta í skúrinn.


Árni og ég vorum að reyna að aðstoða Mumma við að skilja teikningarnar:


En þar sem Mummi ætlar að smíða módelið, þá þarf hann að leggjast af miklum þunga yfir teikningarnar til að finna út hvað þarf að gera og hvernig.


Við setjum frekari upplýsingar um þessa smíði hér, en ég geri ráð fyrir að Mumminn vilji sjálfur segja frá ýmsu í sambandi við þetta módel.

Svo mikill fögnuður ríkti við afhjúpun þessarar viðbótar í Fokkerflotann að Gaui hljóp í að laga til og eftirlitshundurinn náðist á mynd við að stela kexi. Hvorutveggja er sjaldgæft myndefni...

Hún er ansi flott Eða er það ekki þessi sem er í kassanum?

Mikið rétt, ég er að taka fyrstu skrefin í nýrri vél. Því miður Ágúst, þetta er ekki alveg rétt mynd hjá þér. Mín er sko bara D.XXI, ekki D.XXIII, svo ef ég vil happy ending á þessari smíð þarf ég að redda því sjálfur

Fyrir valinu varð eins og áður hefur komið fram Fokker D.XXI, hönnuð 1935 fyrir hollenska flugherinn. Hún var einnig þó nokkuð notuð í Finnlandi og aðeins víðar. Hún reyndist ágætlega, en þótti eðlilega úrelt þegar hún mætti nýrri og betri vélum svo sem Bf 109.

Ég ákvað að kaupa teikningarnar frá Jerry Bates haustið 2008 með framtíðarsmíði í huga. Ég hitti alveg snilldarvel á fall íslensku krónunnar og visa rukkunin kom að sjálfsögðu inn þegar dollarinn var í sínum hæstu hæðum, þannig að ég er að öllum líkindum að smíða eftir einni dýrustu teikningu Íslandsögunnar

Módelið verður í 20% skala. Ég keypti short kit frá Bob Holman sem lítur afskaplega vel út, amk við fyrstu sýn. Ég er svo sem ekki 100% ákveðinn ennþá, en ég býst fastlega við að smíða eftir eintaki sem er til á hollensku flugsafni og sjá má hér fyrir neðan. Hún hefur þá kosti að til eru margar góðar ljósmyndir og er að mínu mati ofsalega flott með þetta litaglaða kamúflas.



Annars er lítið sem ekkert meitlað í stein með hana. Ég á Zenoah G38 sem ég reikna með að nota, en hann á að duga. Mig langar reyndar til að uppfæra í aðeins öflugri mótor, sé til með það.

Þetta er svo lesefnið þessa dagana:



Þangað til næst,
Mummi

glæsilegt

Samsetning er hafin!

Ég ákvað að byrja á afturvængnum, hann er auðveldur og nógu lítill til að maður sjái fljótlega árangur. Ég byrjaði á að draga upp teikningarnar á gegnsæjan teiknipappír, því teikningarnar eru stórar og klunnalegar og smíðaborðið þröngt.



Síðan hófst ég handa við að líma. Það var nú ekki mikill árangur þetta kvöld, en þetta er byrjun. Short kittið sem ég keypti lofar mjög góðu. Ég hef, í fyrri vélum, smíðað rif og annað sjálfur hingað til, en um leið og ég fór að handfjatla leiserskornu rifin í afturvængnum hugsaði ég með mér að það yrði erfitt að fara út í heimagerð rif aftur



Meira síðar.

Lítur vel út og verður gaman að fylgjast með þessu hjá þér

Lofar góðu, verður gaman að sjá þessa!

[quote=jons]...en um leið og ég fór að handfjatla leiserskornu rifin í afturvængnum hugsaði ég með mér að það yrði erfitt að fara út í heimagerð rif aftur[/quote]
Nú er bara að skemmta sér við að teikna rif og aðra hluti á CAD formi og láta skera út fyrir sig!

Takk takk.

[quote=Sverrir]Nú er bara að skemmta sér við að teikna rif og aðra hluti á CAD formi og láta skera út fyrir sig! [/quote]

Já, það er alveg hárrétt. Það er meira að segja verið að (eða búið að?) opna aðstöðu í VMA fyrir almenning að láta leiserskera fyrir sig. Ef það kostar ekki frumburðinn þá á ég klárlega eftir að nota mér það

Smá uppfærsla.

Þetta mjakast áfram. Ég ákvað að bæta við auka stuðningi við lamirnar á afturvængnum.



Síðan klæddi ég aðra hliðina á afturvængnum.



Mig vantar svo meiri balsa til að klára að klæða. Á teikningunni er afturvængurinn og stélkamburinn balsaklætt, en á orginalnum var þetta dúkklætt. Ég ákvað að fylgja teikningunum og feika sauma og annað. Það dugar fyrir það level af nákvæmni sem ég stefni að.


Hinir hundtryggu aðstoðarmenn láta sig að sjálfsögðu ekki vanta. Verst er að þeir hafa tilhneigingu til að naga í sundur það sem maður missir í gólfið.