Flugmódelspjallið - flugmodel.net

Morguninn mætti flugköppum með brosi, já veðurguðir voru algjörlega sáttir við að deila góða veðrinu.
Strax frá settum tíma var ræst í öflugan flugdag, þar sem allir viðstaddir nutu þess að viðra flugvélar sínar mjög jafnt og reglulega.
Mikið flogið og frábært veður - eiginlega alveg fullkomið flugveður,stundum logn eða smá andvari og hlýtt.
Ekki er nú leiðinlegra að segja frá því að dagurinn krafðist engra flugfórna og allir fóru heim með jafnmargar vélar og þeir höfðu mætt með ,,, nema ef vera skyldi að flotinn hafi í einhverju tilfelli stækkað þar sem Jón P. yfir-kassagramsari var á staðnum með aukavélar og Íhluti.
Sérstaklega vakti athygli hversu margir gestir litu við og greinilegt að Flugkoma FMA á sinn sess...
Dagurinn endaði svo með að skýin drógu fyrir og fóru að gráta (í smá stund og hætti svo) og þá var passlegt að fýra upp grillið þar sem menn og konur gátu græjað svanga maga eftir erilsaman en flottan dag.
Nokkrar ,,jarðbundnar" myndir hérna , en læt svo öðrum sem eiga ofurlinsur um flugmyndirnar.
Takk fyrir góðan dag kæru félagar.
Kveðja Lúlli og frú.

Þarna hefur verið G'OÐMENNT og gaman.
Til hamingju norð' an´menn og gestir.

Líf og fjör, gaman að þessu!

Flottur dagur á Melgerðismelum vonandi koma fleiri myndir fyrir okkur sem komust ekki í ár kvSteini litli málari

Hittum á mjög gott veður þennann daginn stafalogn megnið af tímanum og þurrt.. Nokkrar myndir..


Kv. Guðni Sig.

kveðja
Birgitta og húsbandið

Ágúst kvöld á Akureyri 2015

Ég átti í tölvunni hjá mér nokkur stutt myndskeið frá flugkomunni okkar og ákvað að hræra þeim saman í stutta samantekt frá þessum skemmtilega góðviðrisdegi. Það er alltaf gaman að rifja upp svona skemmtilegar flugkomur!


Kv,
Árni H

Góður hræringur Árni..þessi dagur var snilld..