Flugmódelspjallið - flugmodel.net

Er í smá vandræðum með Protec 46 mótor, er búinn að tilkeyra hann og stilla svo hann gengur flott bæði lausagang og á fullri inngjöf.

En nú er ég að tala um þegar rellan situr á hjólunum, vandamálið kemur fram þegar ég lyfti nefinu á rellunni upp.

Semsagt í lausagangi þá malar mótorinn eins og kettlingur, sama hvort rellan er á hjólunum eða nefinu beint upp í loft.

En ef ég lyfti nefinu upp á fullri inngjöf, þá gengur hann í smástund og þá byrjar mótorinn að hiksta og drepur síðan á sér. Eitt atriði sem við félagarnir í Patrónar Flugzeugwerke tókum eftir, var að það kom eldsneyti upp um slönguna sem liggur frá hjóðkút inn á eldsneytistank einmitt á þá mund sem mótorinn byrjaði að hiksta.

Nú spyr ég ykkur reynsluboltana: hvur fjandinn er að???

Þið eruð líklega búnir að stilla blönduna of veika (lean). Snúðu nálinni tvö-þrjú klikk til vinstri (út) svo blandan verði ríkari. Þú ættir ekki að verða var við neina minnkun á snúningshraða, en mótorinn ætti að draga betur þegar nefinu er beint upp.

Ástæðan fyrir því að eldsneyti kemur upp í slönguna að hljóðkútnum er líkast til sú að það er þrýstingur á tanknum og um leið og mótorinn hættir að ganga, þá er ekki lengur þrýstingur úr hljóðkútnum, svo að sá þrýstingur sem er í tanknum ýtir eldsneyti uppí slönguna.

Kærar þakkir herr Gaui, það dugði að snúa nálinni tvö klikk út, og nú gengur mótorinn mjúkt og fínt sama hvernig rellan snýr

Þarna má eflaust kenna um óþolinmæði eigandans, var heldur grófur við fínstillinguna