Melgerðismelar - 6.ágúst 2016 - Flugkoma FMFA

[Sverrir]

Flugmódelfélag Akureyrar hélt sína árlegu flugkomu á Melgerðismelum laugardaginn 6. ágúst. Frábært veður var, sól, léttskýjað og rúmlega 15°C hiti. Mörg af glæsilegustu flugmódelum landsins voru á svæðinu og var mikið flogið frá morgni til kvölds. Vöfflurnar og kaffið voru að sjálfsögðu á sínum stað og runnu ljúflega niður hjá viðstöddum. Flug gekk almennt vel og einungis eitt flugmódel skemmdist illa í viðureign sinni við Móður Jörð. Vefmyndavél var sett upp og fangaði stemmninguna á pittsvæðinu yfir daginn.

[Sverrir]

Hikmynd af pittsvæðinu.

[Sverrir]

Vefmyndavélin á sínum stað.

[Björn G Leifsson]

Takk fyrir skemmtilegar myndir! Hjálpar í sorgarferlinu yfir að vera ekki með

[Árni H]

Þetta var sannarlega frábær dagur og flottar myndir hjá þér, Sverrir! Ég tók aðallega vídeó en þá er höfuðverkurinn við klippivinnuna eftir

Það er þó ljóst að einhverjir hafa gleymt sér svolítið í gleðinni þannig að óskilamunir hrúguðust upp hjá okkur við tiltektina í dag. Þarna á svæðinu fannst til að mynda forláta skrúfa, fremur vel með farinn servóarmur af algengri gerð og balsaspýta, sem hefur augljóslega munað sinn fífil fegurri. Eigendur geta vitjað þessara gersema í smíðaaðstöðu FMFA í Grasrótinni (Slippnum) fram að næsta flugdegi, sem mér sýnist að verði þann 12. ágúst 2017, enda er verslunarmannahelgin mjög seint á ferð á næsta ári.



Takk fyrir frábæran dag!

Árni H

[Árni H]

Það er best að setja inn nokkrar myndir úr gömlu 350D vélinni minni:

[Árni H]

[Patróni]

Glæsileg flugkoma....var að velta þessum Curtis Warhawk hvar fæst svona stykki og hvaða mótor er í honum?

[Gaui]

Þetta er Great Planes módel, en þeir eru hættir að framleiða það.

[Sverrir]

Hún er frá Top Flite og er enn hægt að kaupa hana.