En að öllu gamni slepptu þá fékk Erlingur afhenta verðlaunapeningana fyrir mót síðasta árs sem útdeilt var á aðalfundi Þyts í mars sl. en þangað hafði hann ekki átt heimangengt svo Guðjón tók að sér að koma þeim til hans.
En við vorum komnir í Kambana rétt fyrir kl. 14 í dag og þá var útsýnið svona, svo það var ekkert annað að gera en að hoppa upp í einn bíl og leysa alheimsvandamálin og lífsgátunni allt í einu.
Rétt fyrir 15 hafði þetta lítið skánað en þó var farið að draga úr rigningunni og hætti hún skömmu síðar!
Um hálf fjögur renndi Maggi svo í hlað eftir mikin þvæling upp og niður Kambana, innan sem utan vegar, og fær hann þolinmæðisverðlaun ársins fyrir það.
Leynivopnið, var á sínum stað, sjáið þið það?
Það er sko með svona STÓÓÓÓRAN spaða!
Maggi kom færandi hendi með veitingar handa mannskapnum, á þessum tímapunkti var hann ekki alveg viss hvort við værum snarruglaðir eða bjartsýnustu menn landsins...
Gætum hafa fundið stangirnar þínar Stebbi!
Rétt fyrir hálf fimm fór aðeins að rofa til.
Maggi skellti þá Bixler í loftið og reyndi að feykja í burtu síðustu leifunum af skýjunum sem voru að hangsa í kringum okkur.
Korter í fimm var svo ljóst að flugveðrið væri alveg að detta inn og við höfðum veðjað á réttan hest eftir mikla yfirlegu yfir veðurkortum síðustu daga, svo þá var ekkert að gera annað en að henda hliðunum upp.
Maggi er vanur að koma böndum á menn, hlið voru ekkert vandamál!
Betur sjá augu en auga.
Svo þarf víst tvö hlið!
Ekki mátti gleyma bjöllukerfinu.
Maggi að taka út keppnisbrautina.
Guðjón nýlentur og Erlingur að gera sig kláran í loftið.
En já, þar sem við vorum bara 4 á svæðinu þá náðist nú ekki að taka mikið af sjálfu fluginu annað en það sem hausinn á Magga festi á kubb. Engu að síður náðum við að manna hliðin og tímatökuna þannig að við hófum leika rétt rúmlega fimm. Rétt fyrir sex fór svo að þykkna upp og rigningin mætti aftur á svæðið svo þá var sjálfhætt en við höfðum náð að fljúga þrjár umferðir og vorum nokkuð sáttir með það.
Þá náðist líka markmiðið sem lagt var af stað með á aðalfundi Þyts að hefja æfingar í mars/apríl og halda svo keppni í maí þannig að við gætum ekki verið sáttari. Því miður lítur ekki út fyrir að mikið verði um hang næstu vikurnar eins og staðan er í dag þannig að við krossum bara putta og vonum að við komumst aftur upp í brekku fljótlega að æfa okkur fyrir komandi baráttu.
Svona skiptust stigin á milli þátttakenda:
1. Sverrir 1000 1000 1000 3000
2. Guðjón 980 962 970 2912
3. Erlingur 835 770 652 2257
Þökkum Magga kærlega fyrir alla hjálpina í dag, við hefðum ekki getað þetta án hans!
Maggi æfði sig í hangi eftir skoðunarferð um svæðið.
Það vantaði svo ekki vindinn í dag, eftir hádegi fóru hviðurnar yfir 25 m/s og meðalvindur yfir 20 m/s. Það var þó orðið aðeins rólegra þegar við komumst loksins í loftið.
