Flugmódelspjallið - flugmodel.net

Eitthvað hefur verið fjallað um límingar á lömum í öðrum (löngum) þræði. Þetta er eitt af þeim vandamálum sem hafa verið að hrjá menn, þannig að ég held að það sé ekki verra að helga lamalímingum sérstökum þræði.

Hefur einhver prófað að nota Sikaflex-11 á pinnalamir? Það er þrælsterkt og seigt, og hefur þann kost að það skemmir ekki mikið þó það lendi í samskeytum lamanna. Sikaflex-11 verður viðkomu eins og seigt gúmmí. Ókostur er etv. að það er lengi að harðna, eða um 2-3mm á sólarhring. Mig minnir að einhver hafi bent mér á þennan möguleika, etv. Pétur?

(Ath. Það eru til nokkrar gerðir af Sikaflex. Það er aðeins #11 sem virkar sem lím).

Ágúst

Ef menn eiga laxerolíu þá er sniðugt að nota hana á pinnann í löminni til að koma í veg fyrir að hann límist.
Passið ykkur bara að sleikja ekki puttana þegar þið eruð búnir
Einnig má nota vaselín í sama tilgangi og hita það svo það bráðni vel.
Og ef þið eruð með sýrulímslamir þá er sniðugt að ná sér í vaxlit og gera strik þvert yfir miðja lömina og þá
verður hún ekki of stíf af líminu akkúrat á þeim stað sem mest mæðir á.