Örtröð á Hamranesflugvelli í kvöld?

[Agust]

Ég var að spá í að skreppa í góða veðrinu út á Hamranes.

"Þar sem einn maður kemur saman á víðavangi myndast vísir að örtröð", sagði einhver. Hefur verið örtröð á flugvellinum undanfarið?

[tf-kölski]

Jahh, það má deila um þetta en þar sem tveir menn koma saman myndast ókyrrð.

Kv. Maðurinn sem langar út á Hamranes

[tf-kölski]

Ég get varla lýst minni reiði yfir þessari moldarbyngju, þvílík framkoma við okkur módelmenn:(

Kv. Maðurinn sem enginn veit hvað heitir

[Offi]

Ég mætti í rykleysi og blíðu áðan og tilkeyrði Korterið. Það var fríður hópur manna þarna með módel af öllum stærðum og gerðum. Eða allavega mörgum stærðum og gerðum. Eða kannski réttara... sumum stærðum og gerðum.

En já, núna er bara eftir að stilla öll... æi allar spýturnar þarna sem hreyfast á vélinni... og þá er hún klár í loftið. Aflið er alveg svaðalegt, sýndist mér.

[Guðni]

Já er sammála þessum flugköppum hér að ofan þetta var mjög skemmtilegt kvöld.
Fótboltabullur að hverfa til síns heima og vindinn að lægja...eða aðeins að lægja.
Ég tók tvö flug á Spittanum og var seinna flugið skemmtilegra, það sáust roll og jafnvel lúbba.
Það er alltaf meira gaman að þessu þegar margir mæta..og um að gera að nota þetta veður sem framundan er.

Gamall en flýgur vel ennþá....

kv.Guðni Sig.

[Agust]

Ég náði einu flugi, sem þó varaði aðeins í 10 sekúndur. Mótorinn á Katana drap á sér (aldrei þessu vant) rétt eftir flugtak. Lendingin varð frekar harkaleg og reif ég hjólastellið undan. Ég er þó búinn að líma með Sikaflex-11, svo nú er bara að bíða eftir að það harðni.

Kvöldið var skemmtilegt þrátt fyrir þetta smá óhapp, og veðrið var eins og það gerist allra best. Mikill munur þegar smá örtröð er á vellinum, eða þannig.

[Björn G Leifsson]

Ég var á vakt sl daga, útkall í gærkveldi og lítið hægt að gera
...en nú er að bresta á sumarleyfi. Verst að konan er þeirrar skoðunar að það bráðliggi á að klára að mála seinni umferðina á bústaðinn svo helgin er sennilega ónýt.... Vonast til að geta frestað bústaðarferðinni til miorguns og klárað Adrenaline-inn í kvöld. Þá fer ég með hana niðrá Eyrarbakka til að prufukeyra.

[Gaui]

Bara gera eins og ég Bjössi minn: flytja með kellinguna "út í sveit" og þá þarf engan ands*** sumarbústað.

[Björn G Leifsson]

[quote=Gaui]Bara gera eins og ég Bjössi minn: flytja með kellinguna "út í sveit" og þá þarf engan ands*** sumarbústað.[/quote]
Hvað heldurðað ég sé að vinna í??? Það er sko legið í þessum pælingum. Vandamálið er að það eru svo margir nýríkir hálfvitar búnir að eða eru að kaupa upp alla almennilega staði hérna á svæðinu að verðlagið er ekki bara asnalegt það er glæpsamlegt.

.....

[Offi]

[quote=Björn G Leifsson][quote=Gaui]Bara gera eins og ég Bjössi minn: flytja með kellinguna "út í sveit" og þá þarf engan ands*** sumarbústað.[/quote]
Hvað heldurðað ég sé að vinna í??? Það er sko legið í þessum pælingum. Vandamálið er að það eru svo margir nýríkir hálfvitar búnir að eða eru að kaupa upp alla almennilega staði hérna á svæðinu að verðlagið er ekki bara asnalegt það er glæpsamlegt.[/quote]
Hvað meinarðu? Það er nóg framboð hér í Hafnarfirði! Þú ert kominn á landsbyggðina, hefur smábæjarmentalitet allt um kring og svo er auðvitað ... æi, ég ætla ekki að segja það. Látum nægja að ég breytti staðsetningunni minni á þessu spjalli úr Hafnarfirði í Akureyri og það var ekki að ástæðulausu! Mér er annt um mannorð mitt!