Flugmódelspjallið - flugmodel.net

Fjórir keppendur mættu til leiks í fyrsta hraðflugsmóti sumarsins sem haldið var á Arnarvelli fimmtudagskvöldið 16. maí. Mótið gekk að mestu áfallalaust fyrir sig en þó fengu nokkrir spaðar á baukinn, borgar sig greinilega fyrir keppendur að vera með varaspaða og jafnvel varavaraspaða. Ekki er hægt að segja annað en að mótið hafi gengið nokkuð hratt fyrir sig og mátti sjá menn bæta sig talsvert milli umferða.

Úrslit urðu sem hér segir.

1. sæti - 2.950 stig - Lúðvík R. Sigurðsson
2. sæti - 2.928 stig - Bjarni V. Einarsson
3. sæti - 2.875 stig - Magnús Kristinsson
4. sæti - 2.764 stig - Eysteinn H. Sigursteinsson

Eins og sjá má var mjótt á munum og má búast við hörkuspennandi keppni á næsta móti sem fer fram þann 13. júní nk. á Hamranesi. Hvetjum við menn til að fjölmenna og fylgjast með en áhugasamir eru einnig hvattir til að taka þátt.

Þakka keppendum fyrir skemmtilega baráttu og sérstakir þakkir fá bjöllumennirnir Árni Finnboga og Stefán Sæmunds.


Myndarlegasti hópur!


Eysteinn var tilbúinn til keppni í öllum flokkum!


Pittfjör


Umferðirnar


Stigagjöfin

Til hamingju Lúlli.Takk fyrir frábært kvöld.
Kveðja.Árni F.

Ég vil þakka öllum sem komu að þessu fyrsta móti. Takk kærlega fyrir mig.

Takk fyrir mig, frábær skemmtun.

Gaman að flygjast með framförum allra þátttakenda eftir hverja umferð, næsta mót verður spennandi.
Til hamingju með árangurinn.

Stutt myndband frá mótinu:

Þetta var fjör.

Þetta er snilld! Til hamingju með sigurinn Lúlli, allt er vænt sem vel er grænt!

Takk fyrir mig !
Árni og Stebbi Hliðaverðir og Sverrir Dómgæslumeistari.
Vonandi mæta bara ennþá fleiri í næsta race.
Þetta hleypir svolitlu meira lífi í sumarið ,myndi ekki vilja missa af þessu.