Humlum - 5.september 2019

Hér má ræða allt milli himins og jarðar
Svara
Passamynd
Sverrir
Site Admin
Póstar: 11419
Skráður: 17. Apr. 2004 03:33:31

Re: Humlum - 5.september 2019

Póstur eftir Sverrir »

Þurr dagur eftir úrhelli gærdagsins, og síðasti dagur fyrir mót, svo nú skyldi haldið út í brekku að taka nokkrar æfingar. Miðað við vindspá dagsins þá var brekkan í Humlum málið en hún er í rúmlega klukkutíma fjarlægð frá Hanstholm. Þegar við mættum á staðinn var augljóst að fleiri módelmenn væru mættir að nýta sér aðstæður og kom í ljós að þar voru á ferð félagar okkar frá Þýskalandi sem höfðu tekið stopp á leið sinni upp til Hanstholm til æfinga.

Eftir að hafa litið á aðstæður og mælt 11+ m/s þá var haldið aftur að bílnum að ná í græjurnar en þá vildi ekki betur til en svo að læsingin á skothleranum klikkaði! Nú voru góð ráð dýr en Elli setti á sig vinnugleraugun og tók bílinn allan í sundur (sagan hljómar alla vega betur svoleiðis) til að komast að læsingunni og eftir smá yfirlegu þá var bíllinn orðinn betri en nýr. Þá var okkur ekkert að vanbúnaði að halda út á brekku með módelin og taka til við flugæfingar.

Við biðum í smá stundu meðan Þjóðverjarnir kláruðu sig af en í millitíðinni kom Leszek Respect framleiðandi á svæðið svo þar urðu fagnaðarfundir. En nú fór ekki á milli mála að búið var að bæta í vindinn svo upp fóru vindmælarnir og var að mælast vel upp fyrir 20+ m/s og meira í hviðunum svo það var ekkert annað í stöðunni en að fulllesta vélarnar og henda þeim í loftið.

Skemmst er frá því að segja að það var svakaleg keyrsla og mikið fjör!

Bjartur og fagur dagur.
Mynd

Nokkrir módelmenn frá Þýskalandi nú þegar mættir á svæðið.
Mynd

Fagnaðarfundir
Mynd

Mynd

Mynd

Elli á fullu að redda hlutunum.
Mynd

Hluti af brekkunni.
Mynd

Margs konar mælingar í gangi.
Mynd

Mynd

Mynd

Mynd

Mynd

Mynd

Leszek, eða Jónas eins og strákarnir kölluðu hann, mættur í fjörið.
Mynd

Mynd

Mynd

Mynd

Mynd

Mynd

Þarna var komið í 20+ m/s svo jafnvel þungavigtarmenn þurftu að beita sér vel upp í vindinn!
Mynd

Icelandic Volcano Yeti
Svara