Flugmódelspjallið - flugmodel.net

Er ekki í lagi að skipta um loftnetsvír í mótakarann? jafnvel setja lengri? Hvernig vír á þá að nota?
og hvar fæ ég svona plast/svamp mottu sem er notað til að vefa móttakarann og batteríið í til varnar víbrasjón?

Loftnetsvírinn er akkúrat jafn langur og hann er af ákveðinni ástæðu
En ekki er öll nótt úti, ef þú vilt ekki alltaf tvöfalda lengdina á loftnetinu þá geturðu sett 27pf þétti á endann á núverandi loftneti og lengt svo í eins og hentar.

ModelExpress ætti að eiga hitt fyrir þig.

aðal málið er að hann er skemmdur vírinn, eða einangrunin þ.e. þess vegna vildi ég skipta honum út fyrir nýjan, hann þarf ekkert að vera lengri...

Við, þessir venjulegu aularnir, sem vitum ekkert um rafmagnsmál eða hvernig sendir og móttakari virka, höfum bara eitt mottó sem við verðum að fara eftir: Loftnetið í móttakaranum verður að vera af ákveðinni lengd (tæpur metri) og það verður að vera strengt í beina línu; og loftnetið á sendinum verður að vera dregið út. Annars virka þau ekki saman mjög lengi (er búinn að prófa það!).

Ég held að þetta sé ekki langt frá sannleikanum, Gaui.

Notaðu bara mjúkan fjölþættan vír sem ekki hefur tilhneigingu til að brotna eða slitna. Lóða hann vel á sinn stað og hafa jafnvel slöngu um hann þar sem hann kemur út úr viðtækinu til að minnka líkur á að hann brotni þar. Sama lengd og upphaflegi vírinn.

Ágúst hvernig er með svona plaströr sem eru stundum innan í ARF módelskrokkum, ætluð til að setja rx loftnetið í, dregur slíkur hólkur ekkert úr móttökunni?

Kjartan segir það um Harmony.

takk takk

Ég nota alltaf svona plaströr. Ef þau eru ekki fyrir hendi, þá kaupi ég þau í Tómó og kem þeim fyrir. Hefur hverfandi áhrif á næmi viðtækisins, ef þau eru ekki úr koltrefjum. Plaströrið dregur ekkert frekar úr radíóbylgjunum en plasteinangrunin sem er utan á vírnum.

á meðan ef efnið sem er utanum loftnetið inniheldur ekki málmagnir eða sambærilegt, þá á þetta ekki að hafa áhrif. Hef gert þetta um árabil og ekki orðið meint af. þá er líka minni hætta á að maður sé að skemma einangrunina á loftnetinu sjálfu.

mbk
Tóti