Flugmódelspjallið - flugmodel.net

Hún kemur með á Patró.

Nú er ég búinn að sprauta glæru á alla fluguna og hallastýrin komin á báða vængina.



Nú vantar bara að balgvanísera (líklega nokkuð magn af blýi í nefið !!!) og svo ... fljúga ?

Fálkinn var settur saman í gærkveldi og hann tók góðan part af skúrnum:



Rauða örin bendir á vigt sem ég notaði til að finna út þyngdina á módelinu /7,6 kg) og síðan til að toga nefið niður þar til vélin sat rétt á jafnvægispunktinum. Þá kom í ljós að ég þarf að setja 1,9 kg af þyngd í nefið á henni.

Það er þessi klumpur:



Með þetta í nefinu er módelið 9,5 kíló, eða 500 grömmum þyngri en hönnuðurinn tekur fram á teikningunni. Vænghleðslan verður þá 66 gr/dm², sem ætti ekki að vera slæmt fyrir svifflugu af þessari gerð.

Nú er bara að finna aðferð til að festa þetta allt í nefið. Mig langar helst að kaupa dúnk af höglum og láta þau forma sig innan í nefið. Sjáum til.

Hlýtur að vera þægilegast og öruggast að steypa högl í epoxiklump sem passar.

[quote=Gaui]...Mig langar helst að kaupa dúnk af höglum...[/quote]

Mér dettur nú í hug að haglaskotaverksmiðjan íslenska gæti útvegað "blýhögl í lausu":

Þeir eru:

Hlað ehf

Haukamýri 4, 640 Húsavík

Sími: 464 1009 Fax: 464 2309

Verður skoðað, en þangað til ætlar viss Grænvetningur að athuga hvort hann á ekki eitthvað dót sem er komið fram yfir síðasta söludag.

Epoxýklumpurinn er það sem heillar mig mest. Ef hann steyptur í plæastpoka, þá er hann laus og má taka af honum eða bæta við hann eftir þörfum. Svo má bara halda honum í með frönskum.

Síðustu handtökin: Ég færði togkróks-servóið til svo ég hefði gott pláss fyurir blýið. Þá gat ég límt niður 4mm krossviðargólf með frönskum rennilásum sem halda blýinu (vonandi) á sínum stað -- því miður, engin mynd af því.

Flugmaðurinn (Fritz Schauerte) er kominn á sinn stað í flugmannssætinu. Hann er stór og ég þurfti aðeins að þröngva honum niður, svo ég var ekkert að festa hann sérstaklega. Ef hann sýnir einhverja tilburði til að koma sér út, þá set ég einhverja festingu á hann.




Mummi benti mér á að það væri svosem engin sérstök þörf á því að bolta vænginn kyrfilega á skrokkinn: það væri nóg að renna einhverjum teinum í götin og halda þeim í á einfaldan hátt. Þá tók ég nokkra M5 bolta með sléttan legg og boraði 2mm göt í þá á réttum stöðum. Svo stytti ég þá eftir þörfum. Nú er nóg að renna þessum boltum í og setja splitti í litlu götin til að festa vænginn á.



Ég þarf ekki einu sinni að beygja splittið, því þegar vængirnir eru á og lokið komið á milli þeirra, þá getur splittið ekki dottið úr.

Næst: Frumflug --- ef það hættir að snjóa

Rosalega er þetta flott,allt í skala það verður gaman að sjá þessa og ka8 á Patró og á Melunum í sumar
kv Steini litli málari

Mér datt í hug á tímabili að það væri hugsanlega hægta að fljúga frumflugið á Sumardaginn Fyrsta, en þar sem þetta er útsýnið út um framdyrnar hjá mér, þá hætti ég við.



Já, það snjóar!

Flottur Gaui
já það er varla hægt að segja gleðilegt sumar

Láttu mig vita með örr litlum fyrirvara og ég skal draga baby-ið á loft fyrir þig
P.S. get snúið myndavélinni við og tekið upp dráttinn

Takk Gummi -- ég læt þig vita.