Flugmódelspjallið - flugmodel.net

Ákvað að festa kaup á F3F vél frá RcRcm í haust ásamt auka skrokk fyrir rafmagnsmótor til að nýta vængina aðeins betur. Vélin kom beint frá framleiðandanum í Kína í gegnum TNT en ég fékk síðar að heyra frá RcRcm að það væri tvöfalt dýrari en til annara landa svo það væri betra ef hægt væri að panta tvær vélar í einu. Heildarflutningurinn var því um $200 en ekki $100 (sem var inni í kaupverðinu) svo þó það þyrfti að borga þeim $100 aukalega þá væri það samt vel þess virði.

Smíðin er fín og vönduð þó hún komist ekki í sama flokk og topp vélar frá evrópskum framleiðendum en þá tvöfaldast líka verðmiðin og það eru ódýrari módelin í þeim geira. En þetta reddast nú örugglega í vikunni fyrst Bjarni og Sigmundur eru byrjaðir að hræra í haftapottinum góða!

F3F skrokkur og skrokkur fyrir rafmagnsmótor.


Hér sést munurinn á skrokkunum vel.


Svo er að koma servóum í vængina, matarfilma kemur í veg fyrir að servóin festist þegar ramminn er límdur í.


Voila, takið svo eftir hvernig þarf að taka úr tenginu til að fá fulla hreyfingu.


Servóið komið á sinn stað.


Svo má ekki gleyma að ganga frá samtengingunum.

Ég smíðaði servóbakka sem heldur við ballaströrið og móttakara.


Hér sést hvar er búið að skera úr bakkanum og einnig hluti af ballestinni til að styðja við skrokkinn en hægt er að þyngja módelið um nærri eitt kíló, svona þegar það fer að koma smá hreyfing á goluna.


Ef það á ekki að þyngja vélina um heilt kíló þá þarf fylla upp í rörið með einhverju hentugu.


Snúruflóðið mætt fram undir nef.


Ekki er mikið pláss fyrir hefðbundinn rafhlöðupakka svo tvær Panasonic 18650 voru lóðaðar saman.


Hér er móttakarinn á sínum stað, þar fyrir framan kemur rafhlaðan og svo loksins þyngingin sem þurfti í nefið.


Rétt rúmlega 100 grömm þurfti til að ná vélinni í jafnvægi. Álpappír var vafið utan um nefið á módelinu, límband skellt utan um það, hersingin sett í sand, módelið fjarlægt og blý brætt ofan í álpappírinn. Svo var blýið snyrt til og tekið niður í rétta þyngd.


Og hér er hún í þessu líka fína jafnvægi.


Vélin fór svo út á Arnarvöll um daginn og tók sitt fyrsta flug yfir grasinu og lofar bara ansi góðu með framhaldið!

Strega fór í sitt fyrsta [topic=9099]hang í dag[/topic]. Fínsti gripur og á vonandi eftir að eiga langa og góða ævi í sviffluginu. Þakka herdeild aðstoðarmanna fyrir hjálpina og andlegan stuðning.

Miðpunktur athyglinnar... eða er það Homeblest-ið?


Lent heilu á höldnu eftir frumflugið.


Sáttur eftir frumflugið.

Til hamingju Sverrir..

Gaman að sjá

Takk!

Til lukku með vel heppnað frumflug!

Tæknimálin rædd.


Guðjón

Takk!

En sögunni lýkur ekki hér, með í pakkanum fylgdi líka auka skrokkur sem var hugsaður fyrir rafmagnsmótor og svo skellti ég krók á hann svo það má líka nýta hann í hástartskeppnir (F3B).

Eldveggur límdur í nefið.


Svo kemur mótorinn.


Og hraðastillir.


Krókur var settur rétt fyrir framan þyngdarmiðjuna.


Það þurfti aðeins að fylla upp í servógötin.


Þar sem servóin færast aftur fyrir væng og í hliðina á skrokknum ákvað ég að nota kúlutengi á servóendanum, þau eru fyrir 3mm fittings svo það þurfti smá járnvinnslu á teininn til að gera hann nothæfan í carbonrörið.


Allt að gerast.


Allt að verða komið á sinn stað, eitt loftnet verður tekið út úr skrokknum eins og á litlu systur.


Klár í slaginn og 12 tímar í mót!