Flugmódelspjallið - flugmodel.net

Í Nóvember síðastliðnum kom hugmynd frá Hollvinafélagi Flugsafns Íslands að FMFA tæki sig saman og setti saman módel af Grumman Goose flugvél Flugfélags Íslands, sem kom hingað til lands fljótlega eftir stríð.



Með þessari hugmynd fylgdi teikning af módeli sem var bæði lítið, flókið í smíði og rangt í útliti. Við fórum því á stúfana og leituðum að hentugu módeli og fundum um síðir módel hannað af Bart Lammerse og hann vísaði á fyrirtæki í Hollandi sem laser-sker módel og selur til útlanda, http://www.rc-europe.eu/. Þeir eru með nokkuð úrval, og þar á meðal Catalínuna hans Sturlu.

Við slógum til og pöntuðum eintak af Grumman Goose með 2 metra vænghaf, u.þ.b. 1/7 skali. Greiðsla átti sér stað 8. desember.

Nú leið og beið og það tók greinilega langan tíma að skera efnið í þetta módel, en það datt loks inn um dyrnar á föstudag 24. febrúar.

Allir lysthafendur voru nú boðaðir í Slippinn á laugardag til að kíkja í kassann. Vegna þess hve fyrirvarinn var stuttur komu fáir, en það á vafalaust eftir að breytast.



Lokið var rifð af og í ljós kom þétt pakkaður kassi af balsa, krossviði, aukahlutum og laserskurði sem nær til Keflavíkur og til baka.





Og Hollendingurinn virðist hafa misst eitthvað af töflunum sínum í kassann líka



Nú fer í hönd undirbúningstími. Leiðbeiningarnar eru eingöngu myndrænar og það fylgir engin teikning sem slík. Stykkin verða nú losuð úr brettunum í röð og reglu, sett í poka og viðeigandi leiðbeiningar settar með. Síðan verður verkum skipt á milli allra þeirra sem vilja taka þátt í smíðinni. Smíðadagar verða laugardagsmorgnar frá 10 til 12 (eða lengur) og aðrar lausar stundir sem gefast.

Spennandi! Við ætlumst auðvitað til að fá reglulegar skýrslur, með myndum!

Hérna er mynd af brettunum með laser skornum pörtum í módelið.



Ég er að fara í gegnum leiðbeiningarnar, finna þá hluti sem eiga við um hverja síðu, losa þá af borðunum og setja þá í poka, einn poka fyrir hvern part leiðbeininganna. Það er nokkuð ljóst að ekki er mögulegt að láta hlutina vera á borðunum, því þá endar það með því að helmigur þeirra losnar af af sjálfu sér og það verður hrúga af módelhlutum í kassanum sem enginn veit hvað á að gera við.

Hérna eru allir pokarnir tilbúnir. Við byrjum að setja þetta módel saman á morgun, laugardag.



Þeir sem vilja taka þátt eru velkomnir: það er nóg að gera fyrir alla sem vilja gera eitthvað.

Fyrsti vinnudagurinn í smíði á Grumman Goose. Það mættu nokkrir kallar í Slippinn og tóku til hendinni:

Þorsteinn sér um stélstýrin


Sveinbjörn setur tippaflotin saman


Box fyrir uppdraganleg hjolastell


Rödderinn að fá á sig mynd


Og vængflotin


Bendi og Þorsteinn spöggulera hvernig þetta dettur saman


Siggi sér um afturskrokkinn


Guðmundur bjó til beygjutól fyrir hjólastellið og hér er það í notkun


Hér er einn af fjórum göflum í stellið tilbúinn. Hinir þrír fylgdu fljótt á eftir.


Hér er smá vídeó af því hvernig þetta beygjutól vinnur:

Fimmtudagurinn var góður:

Laugardagur en betri:

Enn er brallað:

Verið að sjúga gluggarúður?

Sjúga, eins og þú segir, Björn, gluggarúður. Mikið nákvæmnisverk.