Nokkur smáverk í Stampe, sem taka oft þó nokkuð langan tíma. Ég byrjaði á að setja teina í loftlúðurinn til að halda honum á skrokknum og límdi hann svo rækilega á rétta staðinn.
20250604_090950.jpg (134.51 KiB) Skoðað 225 sinnum
Svo lóðaði ég rör á festingar fyrir fyllingu og yfirfall í tankinn.
20250604_095823.jpg (140.14 KiB) Skoðað 225 sinnum
Ég festi dekkin á hjólastellið og að lokum penslaði ég parkettlakk á allan skrokkinn. Á morgun ætla ég að líma stýrifletina á. Þetta er verulega flott flugvél.
20250604_120456.jpg (138.19 KiB) Skoðað 225 sinnum
Ég er svona það sem kallað er Trendsetter, það bara tekur enginn eftir því.
Ég límdi lamirnar í stélstýrin eins og ég lofaði og svo setti ég mótorinn á og tengdi allt sem þurfti að tengja: bensínslöngur, inngjöf, kveikju og svo framvegis. Aðgangur að innsoginu verður í gegnum opin framaná.
20250605_111333.jpg (135.4 KiB) Skoðað 204 sinnum
Svo tengdi ég servó við stélstýrin og prófaði virkni þeirra. Rafhlöðurnar koma þarna framan við servóin (ef jafnvægispunkturinn lendir á réttum stað).
20250605_120439.jpg (139.99 KiB) Skoðað 204 sinnum
Ég er svona það sem kallað er Trendsetter, það bara tekur enginn eftir því.
Stampurinn er að nálgast síðustu handtökin. Ég setti vængina á og dáðist að móelinu, sem er feikna fallegt, þó ég segi sjálfur frá.
20250606_142311.jpg (139.44 KiB) Skoðað 176 sinnum
Þá gáði ég hvar vélin rambaði (betra orð en skrípið "ballanseraði"). Samkvæmt leiðbeiningum ætti hún að ramba á aftari vængboltum á efri væng, eða þar rétt fyrir framan -- ALLS EKKI AFTAR! Ég setti rafhlöður eins framarlega og mér var unnt og þá rambaði hún nokkurn vegin á réttum stað. Hér sést rafkerfið, frá vinstri: 6 V NiCad, straumbreytir, 1300mAh Lipo sem ég tengi við straumbreytinn. NiCad rafhlöðurnar eru fyrir kveikjuna og Lipo fyrir stýringuna. Ef ég set krossviðar þil fyrir aftan þetta, þá ætti þetta að sitja kyrrt á sínum stað.
20250606_144609.jpg (136.72 KiB) Skoðað 176 sinnum
Ég er svona það sem kallað er Trendsetter, það bara tekur enginn eftir því.
Setti þil í Stampinn til að halda rafkerfinu. Svampur heldur við batteríin. Vængurinn rétt passaði á og heldur rafhlöðunum niðri. Nú vantar bara nokkur grömm í nefið til að vélin rambi á alveg réttum stað: aftari vængboltunum, og halli framávið frekar en afturábak. Það eina sem vantar núna eru framrúðurnar.
20250607_111736.jpg (143.65 KiB) Skoðað 147 sinnum
Ég er svona það sem kallað er Trendsetter, það bara tekur enginn eftir því.
Í dag dúllaði ég við að klippa út og líma niður nýja glugga. Það sem fylgdi í kittinu var allt of þykkt og brothætt, og passaði engan vegin á módelið. Þessir gluggar sjást mjög illa og ég er að hugsa um að draga svart eða hvítt á brúnirnar og hornin þegar límið hefur náð að þorna.
20250609_112927.jpg (145.21 KiB) Skoðað 110 sinnum
Ég reyndi líka að gera flugmanninn líkari Sigurjóni Valssyni en Williamsbróður. Það vantar bara að pússa leðurjakkann sléttan og setja á hann kraga.
20250609_115404.jpg (139.93 KiB) Skoðað 110 sinnum
Ég er svona það sem kallað er Trendsetter, það bara tekur enginn eftir því.
Ég braut upp smávegis blý (Pb) og lét það passa í tvö hólf sitt hvoru megin við eldvegginn. Til að þetta færi ekki á flakk blandaði ég epoxý kvoðu með örperlum (microballoons) og hellti með því. Nú er balgvaníseringin (eins og inn félagi okkar kallaði það) nokkurn vegin tilbúin.
20250611_110200.jpg (140.29 KiB) Skoðað 52 sinnum
Ég er búinn að fylla og pússa flugkallinn og það síðasta sem ég gerði áður en ég grunnaði létt yfir hann var að búa til loðkraga. Hann er gerður úr bréfþurrku og fylliefni sem ég pikkaði á með oddhvössum grillpinna. Þetta verður fínt þegar búið er að mála það.
20250611_110234.jpg (143.46 KiB) Skoðað 52 sinnum
Ég er svona það sem kallað er Trendsetter, það bara tekur enginn eftir því.
og pússa flugkallinn og það síðasta sem ég gerði áður en ég grunnaði létt yfir hann var að búa til loðkraga. Hann er gerður úr bréfþurrku og fylliefni sem ég pikkaði á með oddhvössum grillpinna. Þetta verður fínt þegar búið er að mála það.