Einkavöllur í Reykjadal

[kip]

Má til með að sýna ykkur myndir af módelvellinum mínum sem er í smíðum heima í Reykjadal :D









Reyndar er hann það ósléttur sumstaðar ennþá að ég þurfti að modda Stickinn aðeins:



já margt var brallað í þessari sveitaferð. Hjólastellið fékk að fjúka undan Ready 2 en menn dóu ekki ráðalausir og var henni skutlað í loftið eftir það og bara lent á nógu mjúkum stað í hvert skipti enda óslegin túnin

Eitt skammarstrikið gerðum við þegar við settum gamlann Yamaha 300cc mótor í gang á gólfinu með Glowfuel 10% nitro.. Hann hafði verið fastur í meira en áratug, svo var hann losaður upp, skellt á gólfið, (ekkert púströr eða tenging við bensíntank) og sjússaður með bensíni í kertagatið og sjússað með spautu inn í blöndung. Ekki vildi hann í gang með Bensíni. Svo skutum við hann með Glowfuel, sumsé tréspíra með 10% nitro og hann rauk í gang og gekk á því vel. Reyndar stóðu langar eldsúlur annarslagið fram úr honum en hann gekk mjög vel..

[Sverrir]

Líst vel á mödderana, spurning með skotgryfjurnar

Tilvonandi glæsivöllur, reddaðu hnitum svo við getum komið honum á kortið.

[Agust]

Til hamingju með völlinn! Þú nýtur þess hve undirlagið er miklu sléttara en hjá mér, en þar var miklu meira þýfi.

[kip]

Spurning hvað sé ódýrasta leiðin til að fá þetta ofur slétt. Líklega að fara með stærri valtara yfir þetta, hann er til en það var minna mál að nota þann minni

[Agust]

Þegar ég var að gera minn völl leit hann frekar verr út eftir að traktorinn var búinn að fara um með valtara. Víða för og skorningar eftir hjólin. Ég hamaðist eins og naut í flagi í hálfan dag með hrífu, og hætti ekki fyrr en ég varð að láta í minni pokann vegna skinnleysis í lófum.

[Helgi Helgason]

Trixið er nú reyndar að valta og raka til skiptis eða eins og verktakar gera þetta að valta og hefla, svo er frekar erfit að fá mold og tún til að vera slétt á stuttum tíma, Þolinmæðin þrautum vinnur.

[kip]

Já eða nota slóðadragara frekar en hrífu og nota þá dráttartæki sem veldur slóðadraganum án þess að gera hjólför sem slóðadraginn tekur ekki. Ég myndi verða elliær með hrífuna.