Jerry Bates 1/4 scale Cessna 172 Skyhawk

[einarak]

Þetta er spennandi verkefni og alltaf gaman að fylgjast með smíðinni hjá þér Gaui.

[Gaui]

TF FRU -- dagur 10

Í dag fóru aftari skrokkrifin í og langböndin í kringum þau. Þetta hljómar eins og létt verk og löðurmannlegt, en það tók mig nánast allan morguninn að raða þessu saman.

20231208_100824.jpg (140.07 KiB) Skoðað 2548 sinnum

Svo, þegar allt var eins og það átti að vera, þá renndi ég sekúndulími á öll samskeyti og skrokk grindin er komin. Ég mátaði stélflötinn á sinn stað og hann datt inn og passaði bara stórkostlega. Þetta er farið að líta út eins og Cessna. Nú þarf ég að finna til 3 mm balsaplötur og líma þær utan á skrokkinn.

20231208_121647.jpg (142.52 KiB) Skoðað 2548 sinnum

[Gaui]

TF FRU -- dagur 11

Ég losaði skrokk grindina af stólunum og sneri henni við til að festa niður langböndin undir nefið. Þá tók ég eftir því að ég hefði átt að vera búinn a festa hjólastellið á. Það kemur nefnilega undir langböndin. Ég skellti stellinu í, en þá kom í ljós að götin á því lenda nákvæmlega þar sem langböndin eru, svo ég þurfti að tvöfalda þau á parti. Það er alveg möguleiki að ég opni botninn fyrir framan og aftan hjólastellið og geri lok sem ég get tekið af til að ná stellinu af.

20231209_103932.jpg (140.99 KiB) Skoðað 2530 sinnum

Ég byrjaði svo að líma balsa klæðninguna á, en náði bara að setja annan helminginn á botninn. Það er hægt að setja klæðninguna í heilum borðum á stóra hluta skrokksins, en annars staðar þarf að setja planka.

20231209_122355.jpg (145.68 KiB) Skoðað 2530 sinnum

[Gaui]

TF-FRU -- dagur 12

Ég byrjaði morguninn á því að líma hinn helminginn af botninum á Cessnuna.

20231211_093524.jpg (127 KiB) Skoðað 2508 sinnum

Svo gerði ég endurbætur á fatafellunni minni (stripper = fatafella). Ég límdi 3mm balsa undir hana öðrum megin til að fá skáskurð á balsaborðin. Ég stillti hana á 10 mm og skar síðan fullt af balsa til að planka Cessnuna.

20231211_110822.jpg (126.68 KiB) Skoðað 2508 sinnum

Hér er svo fremsti hluti skrokksins plankaður í drasl. Ég er farinn að hlakka til að pússa þetta . Ég get það ekki alveg strax því að restin af balsaskinninu þarf að koma fyrst.

20231211_110823.jpg (145.88 KiB) Skoðað 2508 sinnum

[Gaui]

TF-FRU -- dagur 13

Ég ákvað að það væri sniðugt að koma stýringunni fyrir í skrokknum aður en ég loka honum meira en orðið er. Ég ákvað líka að gera það samkvæmt teikningunni og ekki reyna að fela dótið, því þá er bara erfitt að komast að því seinna. Hér eru burðarbitar fyrir servóbakka komnir á sinn stað.

20231212_111712.jpg (133.85 KiB) Skoðað 2488 sinnum

Servóbakkinn er bara límdur á bitana. Stýrisarmur fyrir tog-tog vírana í hliðarstýrið er settur á póst fyrir miðjum skrokk. Servóið er beint fyrir frama hann og stuttur teinn á milli.

20231212_113847.jpg (133.09 KiB) Skoðað 2488 sinnum

Og hér eru svo rör fyrir tog-tog vírana. Ég notaði stífan tein til að fá rörin nokkuð bein aftur eftir skrokknum.

20231212_121726.jpg (143 KiB) Skoðað 2488 sinnum

[Gaui]

TF-FRU -- dagur 14

Varð ekki mikið úr verki í dag: rétt náði að klæða bakborðs megin á framskrokknum með 3 mm balsa.

20231213_112258.jpg (140.48 KiB) Skoðað 2467 sinnum

[Gaui]

TF-FRU -- dagur 15

Ég þarf að setja skinn sem hangir aftur af stélkambinum og stélfletinum og lokar lamarifunni að mestu. Það er gert með ræmu af ProSkin, en fyrst þarf að búa til tól sem tekur úr balsanum fyrir því. Þetta er bara einfaldur kross úr krossviði og 10 mm breið ræma af sandpappír.

20231214_122959.jpg (142.95 KiB) Skoðað 2451 sinni

Þetta er svo notað til að þynna balsaskinnið þar sem ProSkin ræman á að koma.

20231214_123048.jpg (137.7 KiB) Skoðað 2451 sinni

ProSkin ræman er 15 mm breið, svo að 5 mm hanga afturaf þegar þetta er límt á.

20231214_123220.jpg (136.81 KiB) Skoðað 2451 sinni

Og svona lítur þetta út þegar stýrið er sett á milli.

20231214_125343.jpg (135.28 KiB) Skoðað 2451 sinni

Ég gerði stýrisstöng úr kolfíber örvaskafti og M3 snittteini. Þetta þarf að harðna til morguns. Þá get ég sett þetta inn í skrokkinn.

20231214_133004.jpg (140.63 KiB) Skoðað 2451 sinni

Og ég klæddi 3 mm utan á stjórnborðshliðina.

20231214_133505.jpg (146.13 KiB) Skoðað 2451 sinni

[Gaui]

TF-FRU -- dagur 16

MJÖG stuttur dagur í dag: rafmagnið sló út og ég kann ekki að fá það inn aftur til að lýsa mér. Útsláttarrofinn sem mér var bent á vildi ekki smella inn, svo það eina sem ég gerði í dag var að setja stýrisstöngina fyrir hæðarstýrin aftur eftir skrokknum og skorða hana smávegis af.

20231215_100206.jpg (144.02 KiB) Skoðað 2436 sinnum

Eftir þetta var allt í myrkri

[Gaui]

Dagur 17

Viku seinna. Ég fékk heiftarlegt kvef (ekki C19, ég gáði) og er búinn að liggja eins og drusla alla vikuna. Í dag fannst mér ég hafa þrek og heilsu til að líma smá balsa. Það var, sem betur fer, búið að laga rafmagnið á verkstæðinu (takk Elvar!)

Ég byrjaði að sníða til og líma balsaklæðningu á bakið á vélinni.

20231222_094858.jpg (138.96 KiB) Skoðað 1991 sinni

Svo kláraði ég klæðninguna á nefið.

20231222_104145.jpg (135.86 KiB) Skoðað 1991 sinni

Og það síðasta sem ég hafði orku í var að sníða til og líma balsa á aðra hliðina.

20231222_111548.jpg (128.24 KiB) Skoðað 1991 sinni

[Gaui]

TF-FRU -- dagur 18

Heila klæðningin fór á stjórnborðið eins og ekkert væri.

20231223_094237.jpg (132.31 KiB) Skoðað 1343 sinnum

Nú er bara eftir að planka skrokkinn þar sem hann er bugðóttur. Ég byrjaði ofan á flugklefanum.

20231223_102602.jpg (142.66 KiB) Skoðað 1343 sinnum

Svo kom efra hornið bakborðsmegin. Það versta við að planka svona er, að eftir smá tíma þekur lím alla putta og tekur allan daginn að fara af aftur.

20231223_120410.jpg (141.8 KiB) Skoðað 1343 sinnum