Big Excel Hotliner

[Þórir T]

isss það er ekki neitt mar....!

en "kílókall" er gott nýyrði á þúsarann, skilja það síður kellingarnar okkar....

[Agust]

Mér datt í hug að uppfæra þennan þráð, þrátt fyrir að mér hafi ekki miðað mikið áfram.

Ég hef áttað mig á því undanfarið að tíminn hefur verið af skornum skammti. Ég á aldrei til nóg af honum. Væri ekki kjörið fyrir módelframleiðendur að láta eitthvað af velinnpökkuðum tíma fylgja með í kassanum?

Ég er búinn að setja servóin fjögur í vængina og lengja servósnúrurnar. Á eftir að ganga frá tengjum í vængrótinni. Einnig á ég eftir að ganga frá tengjum í skrokknum sem tengjast vængjunum. Engar lausar snúrur hér. Mótor/gír er kominn á sinn stað, búið að líma saman innvolsið en eftir að líma það í skrokkinn, því áður er betra að ganga frá vængtengjunum. Stél komið á sinn stað, en auðvelt er að smella því af við flutning. Sem sagt, ekki mikið eftir. Vélin átti að fljúga í sumar, en nú er farið að hausta...

[Agust]

Vonandi fer BigExcel bráðum í jómfrúrflugið...

[Agust]

Eg mætti snemma á vinnukvöldið á Hamranesi í gær, eða fyrir klukkan 17. Flaug þá vélinni í fyrsta sinn. Jón Pétursson var kastari.

Skemmst er frá því að segja að hún flaug eins og engill. Nánast lóðrétt klifur. Ég var ekki með 10 NiMh sellur eins og sést á myndinni hér fyrir ofan, heldur 4 sellur 3700mAh LiPo.

Flapsar og lofthemlar (butterfly) virkuðu vel. Í ljós kom að ég hafði gleymt að virkja bremsurnar í hraðastýringunni fyrir stóra spaðann (18,5" x 12"), þannig að hann snérist í loftstraumnum þegar hann átti að liggja meðfram skrokknum.

Ég ætlaði að vera búinn að fljúga hennni fyrir langalöngu, en svona fer þegar maður er með mörg járn í eldinum, eða ósmíðuð módel á borðinu.

[Björn G Leifsson]

Glæsilegt.... mig langar í svona

[Agust]

Langur þýskur spjallþráður:

http://www.rc-network.de/forum/showthread.php?t=64312

[Agust]

Ég mældi strauminn áðan með mæli sem sýnir spennu straum og wött. Sama rafhlaða og ég notaði í gær og hafði flogið eitt frekar stutt flug á hleðslunni:


60 amper, 875 wött.

1 hestafl = 746 wött.

875 wött = 1,17 hestöfl

[Sverrir]

Til lukku.

[Agust]

Flaug aftur í dag. Var búinn að stilla rafsegulbremsuna á mótornum þannig að nú lagðist spaðinn pent aftur með skrokknum.

Eiginlega þurfti ég ekki að trimma vélina neitt. Þetta er greinilega mjög lipur vél, mun liprari og fjölhæfari en gamla FunTime rafmagnssvifflugan.

[Ágúst Borgþórsson]

Hún er svakalega flott. Til hamingju nafni