Flugmódelspjallið - flugmodel.net

Takk, mesta furða hvað þetta passar vel saman

Var ekki meiningin að láta þetta passa ?? Það verður gaman að sjá hana með vorinu og hækkandi gengi

Já til hamingju með áfangan Sverrir þetta er spennandi hjá þér.

Jæja ætli það sé ekki vissara að koma sér að verki eftir langt og strangt frí.

Ég var nú ekki alveg búinn að vera aðgerðarlaus þar sem ég hafði gluðað fylligrunni á vænginn og pússaði mest af honum af í kvöld.


Ég þurfti að fjarlægja 2mm svo leggurinn á hólastellinu sæti nógu neðarlega í vængnum.

Líf og fjör síðustu kvöld, spartl, vatn, sápa, sandpappír, pússikubbar, pússisvampar og óteljandi vöðvahreyfingar... og ekki allt búið enn

Vængurinn virðist vera kominn með slæma mislinga, ég játa að ég fór ekki með hann í bólusetningu þegar hann varð 18 mánaða... reyndar er ástæðan fyrir rauða litnum sú að ég neyddist til að halda fram hjá Erlingi og co í Poulsen þar sem þeir áttu ekki spartlið mitt vegna innflutningsvandræða Í staðinn fékk ég 3M spartl hjá Fighteraces.

spartlið er komið

Jeiii

Jæja maður er búinn að sjá ansi mikið af bílskúrnum síðustu daga. Ég fór í smá innkaupaleiðangur til Erlings á föstudaginn til að vera við öllu búinn um helgina. Fékk líka þennan fína kaupauka sem á eflaust eftir að sjást á einhverjum myndum í framtíðinni.

Hjólalegghlífarnar voru farnar að vera útundan í öllu pússistandinu.


Vissara að bæta úr því!


Svo var spartlað „létt“ yfir þær, koltrefjaþræðirnir voru ekki alveg nógu flatir hjá mér eins og sjá má. :/


En hver veit nema það sleppi.


Mátað á vænginn og í framhaldi stytt nær endanlegri lengd.


Ein umferð af fylligrunni kemur skapinu í lag.


Vatnsslíppað með 800 til að finna misfellur, fann eina.


Sama hvað maður pússar þá minnkar hann ekki neitt!


Um að gera að skemma allt strax, byrjað að leggja niður límband svo hægt sé að byggja upp nokkrar áberandi plötur á vængnum.


Meira spartli gluðað á.


Og pússað af, og blettað, og pússað, og grunnað og pússað...


Grunnað...


Pússað...

Einmitt eins og ég er að gera. góður Sverrir spennan eykst

Já það er farið að síga á seinni hlutann

Fer ekki annars að styttast í uppfærslu frá Brekkusíðuherdeildinni?