Flugmódelspjallið - flugmodel.net

Nú þegar mótorinn er kominn á er hægt að ganga frá servóinu fyrir inngjöfina, setja tankinn á sinn stað og búa til áfyllingarsystemið.

Áfyllingin er smá pjatla af kopar og tvö rör. Ég er með þetta svona á Super Cub og finnst mjög gott. Þess vegna náði ég mér í smá koparplötu og tvö rör sem ég lóðaði föst á plötuna. Svo skrúfaði ég plötuna undir botninn á nefinu:



Slöngurnar úr tanknum þurfa að liggja niður að þessum rörum og til að halda þeim datt mér í hug að prófa smá búta af rennu fyrir rafmagnsvíra (bara innri hlutann, ekki kápuna). Slöngurnar pössuðu nákvæmlega í og rennurnar voru límdar á sinn stað, enda með tvöfalt límband á bakinu. Miklu betra en ég hafði vonast eftir og virkar eins og píanó.



Þá var komið að servóinu fyrir inngjöfina. Ég uppgötvaði að það er hægt að nota bara einfaldan tein úr suðuvír og lóðaði klemmu á hann sem tengist við blöndunginn. Svo staðsetti ég servóið fyrir aftan tankinn og bjó til festingu úr afgangs krossviði fyrir það:



Það er ekki mikið sem ég get gert í skrokknum fyrr en vængurinn er tilbúinn, en það er aldrei að vita nema ég finni eitthvað.

Gefa í maður, þarf að vera tilbúin fyrir næsta laugardag!

Væri kanski líka áhugavert að sýna módel í smíðum á sýninguni.

Það hefur löngum verið hefð hér fyrir norðan að þegar ný módel koma og vélarhlífin er fundin, þá setur Árni Hrólfur hana á höfuðið og mynd er tekinn. Ég er tilbúinn með vélarhlífina á Fjósamanninn og Árni stillti sér upp. En það var ekki nóg að hafa bara "hjálm" -- hann varð að hafa "sverð" og "skjöld" líka:

Farmhandcam:

Ég og Sigurður Sindri kíktum við á Grísará á sunnudaginn í glymjandi sveitamarkaðstónlist. Það var ekki hægt að renna framhjá án þess að kíkja við. Hitti líka Árna Hrólf í Bónus.

Formennirnir í góðum gír fyrir framan Farmhand vélina.


kv
MK

Einkennisstafirnir á svona vél sem ber nafn Fjósamannsins er væntanlega TF-FOR.

(Auðvitað tengist það ekkert hlandFOR, sem Fjósamaðurinn mokar baki brotnu, ef ég man rétt frá því er ég gegndi þessu fína embætti).

Aðrar merkingar gætu verið:

TF-FLR = flór
TF-SKT = skítur
TF-TAÐ
TF-MOÐ
TF-KÝR
TF-TDI = tuddi
TF-BÁS
TF-FJS = fjós

og svo er hægt að fara í erlendu tungumálin

TF-COW
TF-BUL
TF-CTL = cattle

Ef áburðardreifing er tekin með, þá spretta upp stafirnir

TF-TÚN
TF-MEL
TF-FRÆ
TF-DRF = dreifing

Möguleikarnir eru margir

Ég sat við í morgun og horfði á Steve á DVD diskinum. Þar sá ég ýmislegt sem hann minnist ekki á og ekki er talað um í leiðbeiningunum -- þetta módel er greinilega ætlað þeim sem hafa smíðað eitthvað smá áður!

Eitt sem ég sá var vængsætið. Hann hefur greinilega sett þykkan balsa innan á vængsætið til að gera það þykkara, svo ég snikkaði til nokkra 10mm þykka balsakubba og límdi þá á mitt vængsæti:



Þegar ég var búinn að skera þá til og pússa, þá leit þetta svona út:

[quote=Gaui]Aðrar merkingar gætu verið:

TF-FLR = flór
TF-SKT = skítur
TF-TAÐ
TF-MOÐ
TF-KÝR
TF-TDI = tuddi
TF-BÁS
TF-FJS = fjós

og svo er hægt að fara í erlendu tungumálin

TF-COW
TF-BUL
TF-CTL = cattle

Ef áburðardreifing er tekin með, þá spretta upp stafirnir

TF-TÚN
TF-MEL
TF-FRÆ
TF-DRF = dreifing

Möguleikarnir eru margir [/quote]
Hvaða vitleysa, aðeins einn möguleiki hvað mig varðar og það er:

TF-JÓS

Fyrir ykkur þarna uppi við norðurskaut þá gæti TF-LÓR komið til greina,,, nú eða þá TF-MÚÚ eða jafnvel TF-MUU