Flugmódelspjallið - flugmodel.net

Eins og kom fram á öðrum þræði þá komu Steinar og Bragi í heimsókn á þriðjudaginn var, þeir tóku nokkrar myndir af Katana og hér má sjá árangurinn.

Já bandið góða var bara skammtímalausn en ég ákvað að nota útbúnað frá Aerobatic Concepts sem ég hafði á sínum tíma keypt á Su-31 en notaði ekki.
Gormarnir voru prufukeyrðir í kvöld og svínvirka, óhætt að mæla með þeim.

Það var ekki falleg sjón sem mætti mér þegar flugum kvöldsins lauk, tankurinn hafði fengið anorexíukast og var við það að hverfa



Öndunarslangan tók upp á þeirri vitleysu að reyna að vingast við pústið og brenndi sig frekar illa á því...

Það er margur pitturinn að detta í

Hvað þola þessar slöngur mikinn hita?

Skv. framleiðanda þá er hámarks notkunarhiti 74°C.

Fann þetta skemmtilega skjal með helstu eiginleikum F-4040-A slöngunnar

Seinni hluta sumars þá tók ég eftir því að farið var að síga á ógæfuhliðina hjá stélhjólinu. Frekar deigt í álinu eins og sjá má á hjólagafflinum og stýrisörmunum.

Ég hafði rekið augun í auglýsingar frá White Rose Engineering svo ég ákvað að nú væri eins gott tækifæri og hvað annað til að prófa vöruna þeirra. Ég pantaði svo eitt sett frá þeim síðasta haust og var að setja það í til að gera vélina klára fyrir komandi vertíð.

Hér sést hvernig stélhjólið hefur slitnað meira öðru megin sökum skekkjunnar.


Stélfjöðrin kemur óboruð, svo ég boraði hann til að hún passaði í gömlu skrúfugötin.


Og hér er þetta komið á sinn stað með gömlu góðu gormunum.

Hvað þola þessir tankar mikið sog?

Meir en þetta greinilega, vona að ég eigi aldrei eftir að komast að því hvar mörkin liggja! Alla veganna ekki á flugi

Þú ert ekkert að grínast með þetta sport Sverrir. Mjög fallegt afturhjól, vissulega. Hvernig væri að þú mundir gera einhverskonar prófíl þar sem maður gæti séð vélarnar þínar og tengingar í þræði um þær. Slíkt kæmi til dæmis í veg fyrir að Angel / Katana skandallinn endurtaki sig =)

kvSH