Pitts Special S1-S smíði

[Björn G Leifsson]

Ó..... Hjörtur benti mér á ad thetta vaeru klemmuzr.... svona er ad vera ad sörfa fr+á tölvunni a hótelbarnum
En thad er bara einn bjor buinn svo thid thurfid ekki ad hafa ahygghjur .... enntha

[Gaui]

Klemmur sem halda servóbakkanum á meðan límið þornar.

[Gaui]

Smá öppdeit fyrir þá sem eru komnir til Útlands

Ég tók mótorinn af aftur (hann fer ekki á aftur fyrr en ég er búinn að klæða) og byrjaði að dúlla við skrokkinn. Ég setti síðustu balsaplankana ofaná framskrokkinn á milli stífanna. Nú þarf bara að klístra í götin og pússa til og þá verður þetta tilbúið



Vængsætið er komið í endanlegt horf ásamt ýmsu öðru á skrokknum sem sést ekki hér.



Datt í hug að byrja að klæða með filmu og annað hæðarstýrið varð fyrir valinu. Nú er bara 90% af vélinni eftir



Sjáumst

[Gaui]

Bon Sjúr M.Gylfasong

Smá dúllerí með Pitts. Ég setti Mækróballúns og epoxý á skrokkstífurnar til að rúnna þær út.



Daginn eftir pússaði ég þetta til og skellti smá grunni á stífurnar til að sjá hvort þær væru nógu sléttar:



Ég er byrjaður að fitta hallastýrin á og búinn með neðri vænginn. Lamirnar eru 2mm stálvír sem gengur í gegnum vængrif inn í hallastýrið og situr þar í plaströri:



Hér sést þetta hinum megi frá. Það sjást líka armarnir sem hreyfa hallastýrið. Annar fer á stýrisstöngina, hinn á stöngina á milli stýranna, þ.e. upp á milli vængjanna.



Hér sést ofan á neðri vænginn gatið sem stöngin milli stýranna fer um.



Þar sem það er servó í hvorum væng verður stöngin á milli stýranna einhvers konar teygju- eða gormauppsetning sem hefur ekki áhrif á hreyfingar stýranna. Meira um það seinna.

Au revaure (eða þannig)

[Gaui]

Enn potast smávegis, eða eins og sagt er í Frakklandi "le petit pot"

Mér datt í huga að sjóða saman vængvírana fyrst það er ekki langt eftir í lokasamsetningu. Vírarnir eru gerðir úr flatstáli sem ég slaglóða 2mm smittenda á. Á myndinni hér fyrir neðan er, frá vinstri:

Snittendinn nýr úr kassanum, snittendi sem búið er að dremla rauf í og flatstálið, flatstálið komið í raufina tilbúið fyrir lóðningu, og að lokum, samsoðinn endi tilbúinn fyrir vænginn.



Hér eru allir átta vírarnir tilbúnir öðru megin. Nú þarf bara að setja módelið saman og taka þá í lengd og setja klemmu uppá þá.



Ég tók vélarhlífina og pússaði hana með fínum sandpappír og vatni. Þá kom náttúrulega í ljós að samsetningin í miðjunni er ekkert sérlega slétt. Það pússaðist smávegis niður og komu ýmsir blettir sem greinilega þurftu pússningar við.



Til að sjá almennilega hvar vantar fylliefni, þá er best að grunna hlutinn, annað hvort með gráum eða rauðum fylligrunni. Hér er ég búinn að sprauta vélarhlífina með gráu. Ég hefði tekið hjólskálarnar líka, en grunnurinn kláraðist. Ég þarf að ná mér í meiri grunn.



Það sést ekki á myndinni fyrir ofan, en það er stærðar misfella ofan á vélarhlífinni. Ég vil helst ekki pússa hana of mikið, því þá þynnist glerfíberinn of mikið. Í staðinn set ég fylliefni í misfelluna (P38) og pússa hann niður á morgun. Hugsanlega þarf ég að setja glerfíber undir til að hægt sé að losna almennilega við þessa misfellu án þess að styrkurinn fari alveg út um gluggann.



Það voru líka örlítil nálaraugu í saumnum sem ég reyndi að setja fylliefni í. Í raun er best að nota fylligrunninn til að loka nálaraugum, því þau eru oftast svo lítil að það er ekki hægt að troða fylli í þau, en grunnurinn fyllir þau eftir nokkrar umferðir.

[Olaf Sucker]

Hi Guðjón

nice build job!
I did a Pitts last time for a customer too. The 243cm of www.emhw.de It will have the Bulldog Airshow design if the customer did his own paintjob on the composite parts. Covering was my part too.
What design did you want do do?

[Gaui]

Hi Olaf

The design will be white with red sunburst:

[Gaui]

Það er orðinn langur tími síðan ég sagði frá einhverju hérna, svo nú ætla ég að drekkja ykkur með myndum af vélarhlífinni.

Ég setti mótorinn í Pittsinn og setti hlífina uppá. Það tók mig dálítinn tíma að stilla hana af og festa hana upp með als kyns límböndum, en í lokin sat hún þar sem ég vildi hafa hana og þá boraði ég og skrúfaði tólf skrúfur í hana til að halda henni á:



Þá var komið að því að gera hana fína. Ég fékk mér helling af 400 blautpappír og byrjaði að pússa með vatni. Þetta er subbulegt djobb og eins gott að hafa plast undir:



Eftir góðan tíma leit hún svona út (og þetta er ekki fínt!)



Nú kom í ljós hvort ég hafði pússað nægilega vel og hreinsað hlífina fyrir fyrsta grunninn. Ef það mynduðust skarpar brúnir á grunninum, þá var hann að flagna af og hafði hann ekki náð að grípa í glerfíberinn. Ef grunnurinn dofnaði út, þá var rétt hreinsað og pússað undir hann.



Hér sést líka hvernig grunnurinn fyllir upp í rispur eftir grófa pappírinn sem ég notaði til að pússa P38 fyllinn niður:



Gallinn við þetta var að ég var núna búinn að pússa í burtu allar panellínur og brúnir svo nú þurfti ég að búa þær til aftur. Ég gerði það með því að líma þrjú lög af málningarlímbandi í kringum framhlutann á hlífinni þar sem á að vera brún. Síðan úðaði ég nokkrar umferðir með fylligrunni:



Þegar ég tók límbandið af, þá var þessi líka fína brún á samskeytunum. Nú gat ég búið til samsvarandi brúnir þar sem vélarhlífin opnast í hliðunum og eftir nokkrar umferðir með grunni kom hornið á þeim svona út:



Það stendur lítill olíukælir niður úr vélarhlífinni á Pitts. Hann fylgir með úr plasti og ég límdi hann neðaná vélarhlífina:



„Það næsta sem hann gjörir,“ eins og stendur í kvæðinu er að úða með felgulakki. Það er ál-litur á því og gefur mjög jafnan grunn fyrir litinn. Það hefur líka þann kost að ef málningin nuddast eða flagnar af, þá er ál undir og lítur mjög eðlilega út:



Ég nuddaði líka aðra vængstífuna og sprautaði hana með felgulakkinu -- FLOTT:



Sjáumst síðar

[Sverrir]

Jahá, sjaldan klikkar það, á svo að nota trukkalakk frá Poulsen eða húsamálningu a la Gummi? Eða kannski eitthvað allt annað!

[Gaui]

Sverrir minn: Við notum það sem virkar -- það er ekki flóknara en það.