Flugmódelspjallið - flugmodel.net

Ég veit það, félagi og ég tók þessu hreint ekki sem neikvæðni. En ég þarf engan tíma í þetta... bara korter!

Hér var að berast áríðandi korter: Jæja... eftir alltof langa pásu drattaðist ég í gang í hádeginu. Ég boraði u.þ.b. gazilljón göt í eldvegginn þar til margt smátt gerði eitt stórt. Í gegnum það tróð ég bensíntanknum. Hann situr fastar en sjálfstæðisflokkur í ríkisstjórn og mun, líkt og sjálfstæðisflokkurinn, verða endalaus uppspretta afls og næringar um ókomna tíð.

Nei Offi minn komin á stjá aftur. Ég er ekki frá því að þín hafi verið sárt saknað.
kv
MK

Takk fyrir það. Það var gagnkvæmt. Ég fylgdist nú með ykkur, þó ég blaðraði ekki mikið. "Mæli þarft eða þegi" segir í Hávamálum. En nú ætla ég að reyna að klára Korterið í þessari lotu!

[quote=Offi]..."Mæli þarft eða þegi" segir í Hávamálum.[/quote]
Usss, ef menn færu að fara eftir því á netinu þá myndi það rýrna ansi mikið

Enn eitt korterið búið. Ég snéri mér að vængnum og setti þessar hræðilega hvítu hlífar yfir servóin. Á ég að fá mér blátt lakk og mála þetta? Ég er að spá í að það kannski borgi sig ekki, ef maður rústar þessu svo í fyrstu bunu!

Blessaðu skelltu lit á þetta strax, ef þetta rústast í fyrstu ferð þá verður ekki mikið annað heilt á vélinni, þá er alveg eins gott að hún líti vel út á þeim myndum sem nást af fluginu

Að hún deyji ung og verði fallegt lík, semsagt?

Flýgur hratt, deyr ung, verður fallegt lík :rolleyes:

Það eru til þeir sem aldrei setja límmiða og skraut á vélar fyrr en þær eru afmeyjaðar. Sennilega til þess að geta notað það á aðrar ef illa fer.

Ég hugsa nú að Humbrol-lakk dugi fínt á þetta ef það er þrifið með spritti fyrst.