Flugmódelspjallið - flugmodel.net

Ákvað að eyða helginni í smá smíði fyrst veðurspáin er ekkert sérstök.
Fyrir valinu varð teikning sem fylgdi með ágúst eintakinu af RCMW.

Skaust í Tómstundahúsið í dag og verslaði mér nokkrar spýtur sem skorti
upp á að geta hafið smíðina. Vélin er frekar einföld í sniðum.
Vængurinn er gerður úr sex og hálfri 6mm balsaplötum og ofan á það kemur
kassalaga skrokkur sem er notaður til að fela radíóbúnaðinn og festa mótorinn við.
Á eitt stykki OS .40 LA upp í hillu svo hann verður notaður til að knýja vélina áfram.

Fyrr í kvöld skaust ég svo yfir til Magga og við söguðum út krossviðspartana
sem fara í vélina og má sjá þá á myndinni hér fyrir neðan.

Þetta ætti að vera frekar fljótlegt að pússla vélinni saman þannig að við sjáum fljótlega
hvernig þetta fer allt saman.

Á myndinni eru: 2 hliðar í skrokkinn, eldveggur, servóbakki og festingar fyrir gróðurhúsið.

Hluti af viðnum sem notaður verður.


Þarna má sjá hvar búið er að sníða gróflega út vænglögunina úr 6mm balsaplötum.
Miðlína var svo dreginn á hverja plötu og þeim raðað upp og límband sett á samskeytin svo hægt væri að snúa þeim við og bera þykkt sýrulím í þau.

Teiknaði vængsniðið á bökunarpappír svo auðveldara væri að merkja fyrir því á plötunum.


Hér sést platan eftir að merkt hafði verið inn á hana.


Tada... það vantar ennþá smá part aftast á vænginn og ef grannt er skoðað sést hvernig hann lítur út neðst á bökunarpappírnum.


Prófaði að skella skrokknum á hann til að fá grófa hugmynd um stærð og lögun.


Skar svo út stykkin sem vantaði og límdi aftast á vænginn, gefur vængnum talsverðan svip ekki satt.


Næst voru lóðréttu stélflettirnir smíðaðir, ekkert nýtt hér, hefðbundin balsagrind.


Næst á dagskrá er að ganga frá skrokknum, öllum stjórnbúnaði, klæða vélina og líma hana saman.

Staðan í dag...

NB. Lóðréttu stélfletirnir eru ekki límdir á fyrr en eftir klæðningu

Váaaaaaaa... frábært...
þetta verður eflaust skemmtilegt... hlýtur að ná gríðalegum hraða..

Það bendir allt til þess

Hér má sjá vélina áður en hún fór í klæðningu, þarna er komið gróðurhús ofan á skrokkinn.
Búið er að klæða vængin, skrokkinn og meirihlutann af gróðurhúsinu.


Til gamans læt ég fylgja með mynd af frummyndinni úr RCMW.

Skrokkurinn fyrir klæðningu vóg 600 grömm. Eftir er að ganga frá nefinu og smá trim skreytingum.

geeeeegjað, kemur hún með norður?

Ég fer svo snemma norður að ég get engu lofað, þó er aldrei að vita hvað gerist

Get ekki beðið