Flugmódelspjallið - flugmodel.net

Áttundi dagur sumars og loksins var komið að stóru stundinni hjá Hannesi, frumflug á Grunau Baby eftir 8 ára meðgöngu! Módelið er smíðað eftir short kit-i af teikningu eftir Rüdiger Götz en þeir sem hafa hangið hér í nokkur ár muna kannski eftir svifflugunni sem Gaui smíðaði eftir sömu teikningu fyrir hartnær 20 árum síðan.

Örn var fenginn á svæðið með aðal dráttarklárinn og Jón var munstraður upp á G.Baby og svo var dregið upp í loft og var eins og þeir hefðu aldrei gert annað en að draga svifflugur þvílík var uppferðin. Hannes tók svo við pinnunum og mátti ekki á milli sjá hvor sveif hærra, Hannes eða Grunay Baby. Svo var komið að lendingu og var ekki að sjá að þetta hefði verið neitt mál, svo skelltu þeir sér aftur í loftið fyrir smá kvikmyndatöku.

Til hamingju með nýja barnið þitt Hannes minn! Vonum að næsta meðganga verði aðeins styttri!

Stoltur pabbi!

Dráttarklárinn og Örninn!
Viðhaldið!
Tveir einbeittir.
Sáttir eftir vel heppnað frumflug.
Svo var barninu komið í hús.
Kaffi og með því til að fagna áfanganum.

Nokkrar flugmyndir!

Nú vantar bara að fljúga þeim tveim í einu.