Flugmódelspjallið - flugmodel.net

Jæja, fyrst að maður er farinn að smíða fyrir alvöru, þá er kominn tími til að henda inn smíðalýsingu. Nú er það Top Flite Mustang í 1/7 skala sem fær að dúlla sér á smíðabrettinu næstu mánuði.

Helstu tölur:

Vænghaf: 1,65 m
Þyngd: 3,6 - 4,5 kg
Mótor: .61 - .90 tvígengis eða .91 - 1.20 fjórgengis

Ég get valið um að smíða hana sem sportrellu án flapsa og með föstum hjólabúnaði, en það er lítið fjör í því svo flöpsum og uppdraganlegum hjólum verður skellt undir. Hjólabúnaður verður Robart #606 HD, er að bræða með mér hvort stélhjólið verður uppdraganlegt, sjáum til með það.

Líklegast verður O.S 120 Surpass skellt undir húddið, ekkert fastneglt með það heldur.

Helstu breytingar verða að smíða hana sem B/C gerð, og á stjórnfletina verða settir svokallaðir "balance tabs" (sjá hér) Litaskema verður "Princess Elizabeth":



Kassinn kominn á smíðabrettið:





Fyrsta vers var að moka öllu upp úr kassanum og athuga hvort innihaldið væri í óskemmt, sem betur fer var allt í góðu lagi. Þar næst var tekið til við að losa partana úr plötunum, merkja það sem þurfti og flokka eftir í hvaða part af módelinu hluturinn tilheyrði.

Vængrifin frelsinu fegin:



Flokkun og skráningu lokið:



Gat að sjálfsögðu ekki setið á mér að púsla aðeins með skrokkhlutana



Byrjað á stélfletinum:





Ramminn fyrir stélflötinn klár:



Næst er að snikka til og samlíma plötur í klæðninguna:



Meira síðar.

Glæsilegt, gaman að sjá nýtt smíðaverkefni fara af stað

Gaman að sjá að menn eru að smíða í alvörunni. Í hugum margra kallast það að smíða flugmódel þegar vængurinn er skrúfaður á ARF módel, eða þannig Mann klæjar í puttana þegar maður sér svona balsa.

Takk fyrir hvatninguna piltar

Dagurinn var tekinn snemma þar sem loksins gafst veður og tími til að bruna út á völl. Þar sem ég er kominn viku á eftir smíðalýsinguna, er eins gott að spýta í lófana og klára að birta það sem komið er.

Plöturnar í klæðninguna snikkaðar í rétt form:



Herbergið sem við flugfélagarnir leigjum undir módelin okkar var áður notað sem veiðarfærageymsla, og hafði einhver snillingur tekið sig til og rakið blý úr blýtein sem að sjálfsögðu var þjóðnýtt til að pressa niður plöturnar meðan límið var að þorna.



Meðan límið á plötunum var að þorna var aðeins unnið í haginn með því að samlíma hlutana sem fara í frambrún á hliðarstýri og afturbrún á stélkamb:



Þegar plöturnar voru klárar voru þær pússaðar, mun auðveldara að fá þær sléttar og fínar liggjandi flatar á brettinu en þegar þær eru komnar á sinn stað.

Þetta er fyrsta módelið mitt með alklæddan væng og stélfleti, svo það er ekki hægt að neita því að smá taugatitrings gætti þegar kom að því að líma plöturnar á grindina.
Og auðvitað kom fyrsta vandamálið upp þá. Þyngingarnar fínu tóku upp á þeim ósóma rúlla útaf, sem betur fer var ég bara að máta og prófa án líms
Þá var ekkert annað að gera en að redda sér með pinnum og gúmmíteygjum:



Ekki annað að sjá en að trikkið hafi svínvirkað





Robart pinnalamir verða notaðar á alla stjórnfleti og voru því auka kubbar límdir við afturbrún. Út við endann má sjá viðbótina þar sem "balance tabs" (vantar kjarngott íslenskt orð yfir þetta ) á hæðarstýrunum koma.



Myndavélin ákvað að yfirgefa partýið svo að ég á ekki til myndir af því þegar hin hliðin á klæðningunni fór á og frambrúnin var rúnnuð til.

Því næst voru heljarmiklir trjábolir límdir á endana. Þá þurfti að hefla og pússa, sem betur fer er ekki til betri afslöppun en að sitja með pússikubbinn og forma balsa



Endinn grófpússaður:



Þar með er staðan orðin 1:1 í smíðum og póstum, stélkambur næst.

Hefur þú hugsað út í allar þær breytingar sem þarf að gera til að þetta verði B gerð? Gæti reynst þrautin þyngri ef engar teikningar eru fyrir hendi.

Sæll
Veitti athygli á einni smiðamyndinni hjá þér voru 5-6 trainer flugvélar á gólfinu, ef þú átt þær sjálfur þá ertu búinn að toppa mig í trainer eign.
kv
MK

Maggi -- Ég held að þetta sé treinerafloti þeirra Patreksfirðinga.

[quote=Gaui]Maggi -- Ég held að þetta sé treinerafloti þeirra Patreksfirðinga.[/quote]
Gaui-mér létti nú við það. Þetta minnir mig á felulitaflota þeirra norðanmanna. Nema þeir eru ekki geymdir á sama stað.
kv
MK

Sigurjón, það vill svo skemmtilega til að Top Flite er með breytikit yfir í B-gerðina fyrir þetta módel, sjá hér. Ég byrja ekki á skrokknum fyrr en ég er kominn með það í hendurnar.
Reyndar er einn galli á gjöf Njarðar, ég sit uppi með D vænginn, það er ekki bara vopnabúnaðurinn sem öðruvísi, vænglagið er einnig annað, eins sjá þessari mynd af Prinsessunni, samaborið við þessa mynd af D gerðinni.

Gaui hefur rétt fyrir sér Maggi, ég á bara 2 trainera Við flugfélagarnir hér fyrir westan leigjum aðstöðuna saman

[quote=Spitfire]Sigurjón, það vill svo skemmtilega til að Top Flite er með breytikit yfir í B-gerðina fyrir þetta módel, sjá hér. Ég byrja ekki á skrokknum fyrr en ég er kominn með það í hendurnar.
Reyndar er einn galli á gjöf Njarðar, ég sit uppi með D vænginn, það er ekki bara vopnabúnaðurinn sem öðruvísi, vænglagið er einnig annað, eins sjá þessari mynd af Prinsessunni, samaborið við þessa mynd af D gerðinni.

Gaui hefur rétt fyrir sér Maggi, ég á bara 2 trainera Við flugfélagarnir hér fyrir westan leigjum aðstöðuna saman [/quote]
Ok flott aðstaða. Hvar eruð þið helst að fljúga.
kv
MK