Flugmódelspjallið - flugmodel.net

Sælir

Þega ég kom heim úr vinnunni beið mín fréttablað LMA. Ritsjóri er Steve nokkur Holland. Eins og allir vita, þá stendur LMA fyrir Large Model Association. LMA stendur m.a fyrir fjölmörgum glæsilegum flugsýningum, m.a í Cosford.

Blaðið kemur út á um tveggja mánaða fresti, og er nú 46 blaðsíður í A5 broti. Þar eru fjölmargar greinar og litmyndir af flugvélum.

Ein greinanna vakti athygli mína. Forfallinn módelmaður fínkemdi bílapartasölur þar til hann fann eldgamlan Volvó. Hvað ætlaði hann að gera við hræið, jú breyta því í flugmódel!

Í þessari myndskreyttu grein er því lýst hvernig staðið var að verki. Greinin er alllöng, þannig að ég nenni ekki að endursegja hana, enda ekki hægt í stuttu máli. Módelsmiðurinn, sem er LMA dómari, er skilst mér kallaður Gauji. Hvernig ætli það sé borið fram á ensku? Prófið! [Gádjí] ?

Jæja, í greininni kemur fram að Volvóinn, sem nú er orðinn að flugmódeli, hafi fundist á partasölu á Íslandi. Hvernig í ósköpunum má það vera? Jú, sá sem smíðaði flugmódelið úr Volvónum og skrifaði 3ja síðna myndskreytta grein í hið víðlesna tímarit LMA er enginn annar en þessi flugmódelfíkill.

Reyndar var Vólvoinn aðeins notaður í hjólastellið, en ef hugmyndaflugið er í lagi, þá leynist örugglega sitthvað nýtilegt á partasölum.

Ágúst

Var einmitt að klára að renna yfir fréttablaðið og hápunkturinn var óneitanlega Volvo sagan

Mjög skemmtilegt! Ég var þeirrar gæfu aðnjótandi að vera viðstaddur leitina góðu að Volvo af réttri árgerð. Ógleymanlegur dagur...

Já hann nefndi einmitt í greininni að hann hefði platað félaga sína, þá Árna og Guðmund(ef ég man rétt) þannig að þið eruð orðnir frægari í hinum alþjóðlega módelheimi.

Heyrðu.... Volvo hvað? Hvernig væri að segja okkur hinum aðeins undan og ofan af þessu?
Hvar fæst þetta blað?
Ef einhver mundi nú hrasa og issa blaðið alveg óvart ofaná skannerinn hjá sér og reka sig í takkann, alveg óvart meina ég...þá getur hann losað sig við fælinn með því að senda mér hann

Þetta blað fá menn á meðan að þeir eru félagsmenn LMA. Sumir eru stundum óttalegir klaufar í kringum skannann, hver veit nema þú verðir heppinn.

Þetta blað fær enginn nema hann sé félagi í hini virðulega LMA!

Blaðið fæst ekki einu sinni keypt. Ég geymi blaðið ofan á skannanum, en vona að ég hafi ekki gleymt að slökkva á honum áður en ég fór í vinnuna. Svo er aldrei að vita nema að Windows XP hafi skynjað einhverja hreyfingu við skannann (fiðrildi, en það er víst mikið af þeim um þessar mundir) og sett hann í gang. Ég þarf að kanna málið og hreinsa fælinn úr tölvunni, ef svo er.

Úfff, stórhættulegt þetta Windows XP...

mér leiðist, á einhver góða grein fyrir mig að lesa?

Það var sem mig grunaði. Þegar ég kom heim sat stórt fiðrildi á skannanum. Líklega sjálf Madame Butterfly. Ætli hún hafi veriða eitthvað að bralla? Ég finn ekki neitt, en þið getið hjálpað mér að leita með því að smella hér.