Flugmódelspjallið - flugmodel.net

Við Árni Hrólfur skruppum út með Eyjafirði austan megin í dag til að athuga hvort ekki mætti fljúga hang einhversstaðar og fundum alveg frábæran stað: Garðsvík.



Það var frekar kalt, en stöðugur norðan vindur beint á bakkana við Garðsvík. Við fengum heimild til að aka niður eftir túninu, en það er bílastæði við sjóðveginn akkúrat við víkina og ekki nema 200 metra gangur niður á flugstaðinn. Við skemmtum okkur heilmikið við að fljúga hang við fullkomnar aðstæður.





Við setjum inn vídeó um leið og þau eru tilbúin.

Hér er vídeó af fluginu:

Magnað

Það var algjör skyndiákvörðun hjá okkur Gauja um hádegið að skreppa út í norðangarrann með nýja svifflugu og vænginn minn, sem hefur reyndar aldrei flogið þar sem það dettur alltaf á dúnalogn þegar ég fer með hann út úr húsi.

Ég var búinn að hafa auga á þessum stað við Garðsvík í smátíma og fannst alveg tilvalið að bjóða Gauja í smá lífsháskaferð út fyrir bæinn fyrst svifflugan hans var tilbúin. Úr varð stórskemmtilegur bíltúr og góður hangstaður kominn inn á kortið

Hér er svo smávídeó úr minni myndavél:


Næst verður gerð hópferð á staðinn!

Kv,
Árni Hrólfur

Þetta var frábært að sjá, mér hitnar öllum að innan að sjá ykkur í fljúga hangflugið vel gallaða með skíðagleraugu við hressandi undirleik.

Eitt orð frábært

Hvernig vaengur er thetta Gaui?

Ég á hvítu fluguna. Hún heitir Heron og er frá Flair. Árni á vænginn. Ég veit ekki hvaða tegund hann er, en ég á svipaðan væng sem kallast X-it.

[quote=Gunnarb]Hvernig vaengur er thetta Gaui?[/quote]

Þetta er einhver Zagi lookalike, sem ég keypti í módelbúð í Álaborg í máttvana tilraun til mótvægis við konuna mína elskulega, sem rétt áður hvarf inn í H&M með íslenskan æðisglampa í augunum.

Inni á rcgroups.com og rcmf.co.uk eru líflegar umræður um slope soaring og flying wings.

Kv,
ÁHH