Guðjón Guðvarðarson heiti ég, 59 ára.
Fyrir ekki svo mjög löngu síðan, lágu leiðir okkar "Lúlla" saman, kom þá í ljós að hann hafði áhugamál, sem hafði legið í dvala hjá mér í amk. 45 ár.
Upp úr því fór ég að venja komur mínar á Suðurnesin og við Hvaleyrarvatn.
Ég er ljósmyndaáhugamaður, fornbílaáhugamaður og ferða áhugamaður fyrir, munar ekkert um að endurvekja flugmódel áhugann líka.
Hef aldrei flogið nokkuri vél, og þekki ekkert af þeim tækniorðum sem notuð eru í sambandi við þessa tómstund, þess vegna megið þið alveg búast við "kjánalegum" spurningum hér á spjallinu og víðar.
Gæti trúað að ég gæti haft gaman af að setja saman módel með fjórgengis vél, læra flugið af og með öðrum á meðan.
En, geri mér fulla grein fyrir að ég þarf alveg gríðarlegan stuðning við að komast inn í þetta.
Ég er nú samt aðeins kominn af stað (bara pínulítið) með því að fylgjast með, svo er "Lúlli" alveg ótrúlega þolinmóður við mig.
Og þið, sem ég hef hitt!!! Skemmtilegur félagsskapur, held ég.
En sem sagt, algjör græningi í þessu og veit eiginlega ekkert hvað ég á að gera fyrst.
(Úff....alltaf svona þegar ég sest við skriftir, verður allt of langt hjá mér, sennilega vegna mikillar heyrnarskerðingar sem ég varð fyrir nokkrum árum síðan
).Gott í bili. Kveðju til ykkar allra. Guðjón.
