Flugmódelspjallið - flugmodel.net

Að gefnu tilefni:
Ég var einn út á Hamranesflugvelli á miðvikudaginn var, var að ganga frá.
Gekk með lokakaðann glóðarhauseldsneytisbrúsa í hendinni, pípuna í kjaftinum. Þegar allt í einu kemur "Púff!!" og tappinn af, eldtungan upp úr, ég henti brúsanaum frá mér það sem hann sprakk, litlausum loga nema útlínur eins og hús að stærð, síðan logaði allt hlaðið litlausum eldi.
Húsið okkar var aldri í hættu, en vildi til að ég sneri þannig að brúsinn fór frá bílnum.
Ég slapp ekki alveg, annars og 3. stigs bruni á fæti og hendi, 6 timar á gjörgæslu og kom heim í dag 5 dagar.
með fullt af hjápartækum til að koma starfseminni í gang, áframhaldið ræðst dag frá degi.

Málið er í mínum huga: Við erum reykjandi yfir öllu draslinu eins og ekkert sé, fullt að fólki í kring, jafnvel börn, það setur hroll að mér, við tilhugsununina,
Aldrei aftur ég!

Annað: ég var þarna aleinn, hefði getað brunnið til dauða an þess að nokkur vissi
Ekki ég aftur.

Ég get sagt ykkur það, þetta er ólísanlega sársaukafullt, ég hélt á tímabili að stanslaus morfíngjöf ætlaði að drepa mig fyrr en slá á verki, hafið þið brennt ykkur á putta, lóðbolsta, eldavélahellu, skinnið fór af í heilu lagi á leiðinn á slyso af handarbakinu mínu.

Ég veit þetta er hundleinilleg lesning, en set hana fram í mínu nafni öðrum til viðvörunnar.
Farið varlega vinir mínir.
Guðjón Guðvarðarson

Við vorum einmitt að velta fyrir okkur slettum í pittinum á miðvikudaginn var. En hvernig var þetta, fór engin glóð úr pípunni í brúsann, var hann alveg lokaður? Vonandi jafnar þú þig!

Að gefnu tilefni þá finnst mér að við ættum að banna reykingar í pittinum og nálægt flugvélum, jafnvel á svæðinu okkar öllu. Ekki bara er þetta eldfimmt eins og Guðjón fékk því miður að reyna á eigin skinni heldur er þetta viðbjóðslegt og hrikalega pirrandi að þurfa að anda að sér þessu eiturlofti sem fylgja reykingum.

Einna hættulegastur er „ósýnilegi“ eldurinn, methanol loginn er vart sýnilegur í dagsljósi!




PS Takið eftir hvar bensínbrúsinn er! :/

Góðan bata kallinn.

Ja hérna! Gott að það fór þó ekki verr. Ég hef ekki heyrt um svona óhapp áður á módelvelli. Vonandi jafnarðu þig fljótt!

Þetta sýnir hvað reykingar eru óheilsusamlegar :/
Það er alla vega gott að heyra að þetta fór þó ekki verr og þú kominn á fætur og mættur strax út á völl.
Ekki myndum vilja missa svona efnilegan módelmann og myndasmið í einhverja hættuminni íþrótt :rolleyes:
Vona að þér gangi vel að gróa sára þinna og takk fyrir aðvörunina.
kveðja
Gunni Binni

[quote=Guðjón]Við vorum einmitt að velta fyrir okkur slettum í pittinum á miðvikudaginn var. En hvernig var þetta, fór engin glóð úr pípunni í brúsann, var hann alveg lokaður? Vonandi jafnar þú þig![/quote]Brúsinn var alveg lokaður þangað til tappinn sprakk af honum, og pípan eins og hún er, ekki eins og um hafi verið að ræða glóð sem datt, en......þið vitið maður er með þetta á höndum og etv. gas í fötum. Ég fyllist ennþá hrolli yfir hve skammt er á milli lífs og dauða í svona tilfellum, og þegar við erum margir saman með fullt af vélum í "pittinum", svo er einhver ( já, já, eins og ég ) reykjandi líka.
Eldhafið var ekki sýnilegt nema útjaðrar, rauðir, eins og stórt hús, ekki þurft að spyrja um neinn þar í.
Takk fyrir alla hluttekninguna.
Andinn og baráttuhugurinn slapp furðu vel, stend í flutningum núna, að því loknu er ekkert annað en kaupa nýjann brúsa og koma Cub í loftið aftur, get það alveg sitjandi, það hlýtur einhver að vera til í að ná í hann fyrir mig ef og þegar "krassar".
( Verð að hryggja þá sem datt í hug að þetta hefði einhver áhrif á reykingarnar hjá mér, það er ekki á "option" listanum að hætta eða minnka þær, hins vegar verða sett höft, hvar og hvenær)

Láttu þér batna sem allra fyrst félagi,

Þetta atvik verður okkur öllum til áminningar um hvað við erum að eiga við uppá Hamranesi og auðvitað þá miklu hættu sem fylgir því að vera með eldsneyti á brúsum innan um félagana.

Atvikið verður skoðað nánar.

Ég sendi þér baráttu kveðju Guðjón.

Mig langar að spyrja: hver vegna kviknaði í brúsanum ef hann var lokaður? Logandi pípa ætti ekki að hafa þessi áhrif á lokaðan brúsa sem haldið er á (40 - 50 sm frá pípu að brúsa). Það hafa meira að segja verið gerðar tilraunir með að henda logandi sígarettum í bensín (Mythbusters ???) og það eina sem gerist er að það slokknar í sígarettunum. Þarna er eitthvað meira á ferðinni.