Flugmódelspjallið - flugmodel.net

Það var margt um manninn í Slippnum eins og venjulega á fimmtudögum. Hér eru nokkrar yfirlitsmyndir.

Gummi og Bendi hengdu upp ljós fyrir Árna og Mumma. Nú geta þeir séð til að smíða.



Og Mummi byrjaði strax á að gera Ugly Fokker tilbúinn undir flug.



Á meðan skoðaði Árni teikningu af Spitfire frá Hijhuis ásamt Óla og Þorsteini. Aldrei að vita nema hann skelli sér i að setja hann saman (Spitfire-inn, það er að segja) .



Og Siggi var búinn að fá eihverja handverkskonu í Slippnum til að handmála myndina á hliðarstýrið af Tigernum. Frekar flott verð ég að segja.



Ég byrjaði að klæða vængina af Grunau Baby með Solartex. Þetta er annað hallastýrið.

Skrýtið, þegar ég skoða þessar myndir þá dúndrar í höfðinu á mér músíkin úr Disneyteiknimyndinni eldgömlu um verkstæði jólasveinanna

Það er nú í lagi á meðan það eru ekki þeir félagar Pat og Mat.

Það var líf og fjör í Slippnum í dag. Hér eru myndir:

Gummi fékk nokkur servó frá Kínakalli, en eitt þeirra virkaði ekki. Nánari skoðun sýndi að einn vírinn í mótorinn var bara límdur á með einhverri klessu !!



Þær kínakellingar hafa líklega notað svona smækkunargler og því ekki tekið eftir þessari handvömm. Spurningin er hvort hægt sé að treysta hinum servóunum??



Knútur prófaði þyrlu fyrir einhvern áhugasamanog stillti hana af.



Ballli er byrjaður að efna niður í draumavélina: AT6 Harvard!!



Seinni vængurinn á Bird Dog er að fæðast hjá Óla



Siggi er enn að dunda sér við Tigerinn. Nú er hann að festa miðjukassann í stjórnklefann með servóum fyrir hæðar- og hliðarstýri.



Það komu tveir litlir prinsar í Slippinn í dag og það fór bara ágætlega á með þeim. Tumi og Nói ræða málefni flugmódelíþróttarinnar.



Tumi er búinn að koma sér þægilega fyrir undir borðinu hans Benda og Nói öfundar hann helling af henni. Spurning hvort hann fær að setja hillu undir borðið hans Óla.

Það var heilmikið líf í slippnum í kvöld:

Nokkrar svipmyndir úr slippnum í kvöld:

Ásgrímur er enn að strauja Sky 40.



Texaninn er að fæðast hjá Baldvin.



Það erfiðasta við að sauma klæðningu á væng er að hitta í nálaraugað.



Það hefur greinlega áhrif á geðheilsuna að mæta í Slippinn á fimmtudögum.



Annars gróf Árni upp svifflugu sem heitir Bullet og ætlar að gera eitthvað við hana.



Bendi er enn að fást við þessa litlu tvíþekju.



Og Tigerinn er að fæðast hjá Sigga. Gæti samt tekið smá tíma í viðbót.



Og Sveinbjörn límdi saman vænginn á Farhand. Nokkuð stór vængur!

Gaman að sjá kraftin í norðanmönnum, hörku gangur í smíðunum hjá ykkur

[quote= Gaui]Annars gróf Árni upp svifflugu sem heitir Bullet og ætlar að gera eitthvað við hana.[/quote]

Hann ætlar þó ekki að mála bletti á hana??

Góð hugmynd.... - naaaaaaaaaaaah, held ekki

Annars hef ég alltaf verið svag fyrir svifflugunum úr seinni heimsstyrjöld og langar að smíða þannig einn góðan veðurdag. Mér finnst Horsa til dæmis flott:

Nokkrar myndir teknar í Slippnum á fimmtudaginn. Það eru Litlu Jólin hjá okkur í kvöld og hugsanlega verða teknar myndir.

Þeir voru eitthvað að flippa þessum ?ótor, en hann fór ekki í gang. Hvers vegna?


Vængurinn á Birddog er flottur


Vængmiðjan á Texan að byrja ferilinn


og enn er dúllað við þann gula