Flugmódelspjallið - flugmodel.net

Þá héldum við sýningu í Kolaportinu helgina 12.-13.júní 1999. Stöðugur straumur gesta var á svæðið um helgina og ef minnið svíkur ekki þeimur meira þá kostaði 200 kr inn á svæðið. Gestirnir fengu svo atkvæðaseðil þar sem þeir gátu kosið fallegasta flugmódelið og það flottasta í smíðum. Gott ef Skjöldur var ekki í fyrsta sæti í hvoru tveggja en þó er farið að fenna aðeins yfir þann hluta minnisins. Einnig voru flughermar á staðnum sem hægt var að taka í, þeir vöktu mikla lukku hjá viðstöddum.

Við Guðmundur, þáverandi formaður Þyts, stóðum í ströngu við að halda utan um sýningargripina, útbúa upplýsingaspjöld og hringja út aðila sem við vissum að ættu áhugaverða gripi. Svo þurfti að koma þessu á svæðið og í sýningarhæft form og loka sýningarsvæðið af, það var jú selt inn.

Eftir að hafa greitt kostnaðinn við leigu á svæðinu, verðlaunagripi, tryggingar(sem þurfti svo að nýta!) og annað sem til féll þá var hagnaðinum skipt á milli þeirra flugmódelfélaga sem þátt tóku í hlutfalli við fjölda flugmódela sem á sýningunni voru frá hverju félagi. Svona eftir á að hyggja þá hefði ég átt að fara fram á að hagnaðinum væri skipt eftir fjölda starfsmanna frá hverju félagi!

Gaman að sjá þetta. Maður kannast við nokkur módel þarna

Já, þau eru ansi mörg sem eru enn á lífi úr þessum hóp.

Ótrúlegt er hvað vinnan skemmir módelstarfið.
Það fer of mikill tími í að vinna fyrir brauði