Flugmódelspjallið - flugmodel.net

Á miðvikudaginn voru kynntar nýjungar í 2.4Ghz málum frá Spektrum. Nýjir módúlar fyrir senda og nýr 9 rása móttakari, AR9000. Nú verður hægt að nota þessa módúla með eftirtöldum JR stýringum 10X, 10ES, 3810, 9XII og að auki er búið að tilkynna að verið er að vinna í módúlum fyrir bæði Futaba og Hitec fjarstýringar.

Einnig er hægt að lesa margs konar upplýsingar af móttakaranum eins og t.d. móttökustyrk, önnur nýjung er sú að nú geta verið allt að fjórir móttakara í módelinu, hver móttakari er með tvær viðtökurásir og hægt er að tengja tvo saman í hverju módeli.

Þróunin mun víst hafa staðið yfir sl. þrjú ár og á því tímabili hafa margar útgáfur komið fram og verið prófaðar ítarlega á tímabilinu. Frumkvöðulinn á bakvið 2.4Ghz málin er módelmaður sem heitir Paul Beard þó nafn hans hafi kannski ekki heyrst mikið hingað til.

Tækin eru bæði FCC og CE vottuð sem þýðir að ekkert er því til fyrirstöðu að flytja þau inn ef menn eru alveg að missa sig yfir nýjungunum en annars er um að gera að líta á heimasíðuna hjá Spektrum og kynna sér málið.

Minni á aðalfund Smástundar sem haldinn verður í Tíbrásunnudaginn 25.febrúar nk. og hefst hann stundvíslega kl.20:00.

Það er greinilega mikil þróun á þessu sviði og ekki ólíklegt að einhver hérlendis hætti módeli sínu til að prófa tæknina. Hvers vegna þurfa menn svona mörg loftnet við viðtækið, og jafnvel marga móttakara? Hvers vegna er verið að bjóða upp á sérstakan búnað sem "allows pilots to truly fine tune the antenna and remote receiver placement"' Einnig: "In some installations, such as high-performance jets, it may be desirable to add in an additional fourth remote receiver" (!). Hvert viðtæki virðist vera með tvo loftnetsstubba, þannig að loftnetin eru orðin allnokkur.

Þetta sýnist mér bara vera komið út í einhverja vitleysu. Af hverju er þetta ekki bara ein fjarstýring og einn mótakari :O :O