Eitt af því besta....

[Agust]

Hvað segja menn? Eruð þið sammála mér í eftirfarandi fullyrðingu?


Eitt af því besta sem hent hefur módelflugmenn á Íslandi er framtak Sverris og fréttavefurinn hans. Á mig verkar hann einhvern veginn sem segull, þannig að varla líður sá dagur sem ég opna ekki vefskoðarann til að kíkja á fréttavef okkar ánetjaðra óseðjandi módelfíkla.


Bestu kveðjur frá jaðri hálendisins við suðurmörk Kjalvegar, þar sem tekið var þátt í Vínarbrauðsmótinu á sinn hátt með vöffluáti og einhverfu Twin-Jet flugi í hálfgerðu roki á snjófölvaðri flugbraut Flugheima uppsveitanna ..... Ef til vill eins konar "dags hríðar spor" [tracks in the snows of time] eins og Valgarður E. hefði orðað það.




.

[Björn G Leifsson]

Sama hér.

Fínn laugardagur líka á Hamranesinu með vínarbrauði, kaffi, flugi og spjalli

[Ingþór]

þetta get ég hiklaust tekið undir, þessi vefur hefur breytt módel neistanum í varðeld í allan vetur og geri ég ráð fyrir stórbruna í sumar... eða þannig sko


sjálfur var ég á jaðarhálendisslóðum í rokinu á páskadag og litaðist um eftir ágústarvelli í heilagleikanum, en hafði ekki lagt kortið góða nógu vel á minnið til að rata af þjóðveginum, en ég geri nú ráð fyrir fleyrri ferðum á þær slóðir og örugglega með flýgildi í farteskinu.

[Sverrir]

Þakka hlý orð

Vonandi geta allir fundið eitthvað við sitt hæfi hérna og endilega verið óhræddir við að senda mér línu því það eruð jú þið sem þessi vefur er gerður fyrir.