Taylorcraft Auster 5A, TF-LBP

[Gaui]

TF-LBP -- dagur 16

Dagurinn byrjaði á tiltekt á verkstæðinu: dót sem ég átti þarna niðurfrá og hafði lítið hlutverk þar, var tekið, sett í bílinn og flutt heim í kjallarann, þar sem því ferður komið fyrir eða fyrirkomið eftir atvikum.

Ég ákvað að reyna að byrja á vængjunum og til þess þurfti ég að búa til 11 framrif á hvorn væng, sem ekki fylgja með í kittinu og eru ekki sýnd á teikningunni. Það er ljóst af myndum og teikningum og slíku að það eru framrif á milli vængrifjanna á Taylorcraft Auster, svo ég verð að búa þau til og líma þau á sína staði.

20241226_105121.jpg (135.53 KiB) Skoðað 88 sinnum

Næst þurfti ég að framlengja vængbitana. Þeir eru fjórir. Efnið sem ég fékk er 914mm eða þar um bil en þeir þurfa að vera rúmlega 1200mm.

20241226_110335.jpg (138.08 KiB) Skoðað 88 sinnum

Ég skar efri afturbrún og flapsa úr 1,5mm krossviði. Ég hugsa að ég geri neðri afturbrúnina úr balsa, en ég á nægan krossvið sem ég get notað í hana. Neðri afturbrúnin verður ekki nema 10mm eða svo fyrst ég ætla að setja flapsa.

20241226_112802.jpg (139.44 KiB) Skoðað 88 sinnum

Ég skar neðan úr fimm rifjum no. 2 fyrir flapsanum. Rifin eru gerð úr léttkrossviði og auðvelt að skera þau með beittum hníf.

20241226_115103.jpg (143.81 KiB) Skoðað 88 sinnum

Nú get ég byrjað að máta rifin á rétta staði.

20241226_120542.jpg (142.28 KiB) Skoðað 88 sinnum

[Gaui]

TF-LBP -- dagur 17

Þá er ég byrjaður að raða vængnum saman og allt virðist ætla að ganga upp.

20241227_100930.jpg (148.16 KiB) Skoðað 46 sinnum

En, þegar kom að hallastýrinu var ekki allt eins og það átti að vera. Hallastýrisbitinn (3mm léttkrossviður) og rifin fyrir framan hann pössuðu engan veginn saman. Ég lagðist í hux og spögguleringar og var jafnvel kominn á þá skoðun að ég þyrfti að búa til ný rif, þegar ég uppgötvaði að það var bitinn sem var ekki réttur. Raufar fyrir rifin eru skornar í ranga átt. Í staðinn fyrir að vera neðan á bitanum, þá eiga þær að vera ofan á honum, og það sem eru raufar er það sem á að vera eftir þegar búið er að gera raufarnar.

20241227_111556.jpg (134.33 KiB) Skoðað 46 sinnum

Ég sagaði út nýja bita og þá ganga rifin og bitinn svona saman:

20241227_111805.jpg (144.62 KiB) Skoðað 46 sinnum

Þá gat ég lagt niður restina af rifjunum með nýja hallastýrisbitann eins og hann á að vera..

20241227_115528.jpg (143.43 KiB) Skoðað 46 sinnum

[Gaui]

TF-LBP -- dagur 18

Ýmis smáverk við vænginn í dag: Ég lokaði vængnum og styrkti hann fyrir framan flapsann með 5mm balsa.

20241228_110400.jpg (141.75 KiB) Ekki skoðað enn

Ég setti smárif frá frambrún að vængbita og límdi svo balsa framan á frambrúnina. Teikningin segir mér að setja 2,5mm balsaplötu á frambrúnina, en frumgerðin er ekki þannig lokuð. Það sést, hins vegar, mjög greinillega að það eru stutt rif á milli heilrifjanna og ég ætla að gera það þannig. Hugsanlega þarf ég að styrkja vænginn á einhvern máta, en við komum að því síðar.

20241228_113324.jpg (145.57 KiB) Ekki skoðað enn

Ég setti hallastýrið saman. Nú þarf bara að pússa það til og forma frambrúnina á því.

20241228_120842.jpg (144.46 KiB) Ekki skoðað enn

Ég var lengi að finna út hvar þessir sveigar eiga að koma. Ég meira að segja spurði hönnuðinn, Jerry Bates, en hann mundi ekkert hvar. Svo kom þetta í ljós. Þetta eru vængendarnir! sá þykkari ofan á hluta TC og sá þynnri undir.

20241228_120901.jpg (142.82 KiB) Ekki skoðað enn