CARF Eurosport

[Björn G Leifsson]

Framhaldsspuning... er ekki hugsunin með bremsum í svona þotum fyrst og fremst öryggi við ræsingu og akstur á og af braut, síður til að stöðva í lendingu?
Er ekki rétt skilið hjá mér að amríkanarnir setji bremsur sem kröfu einmitt af ofangreindum ástæðum?

[Sverrir]

Það eru öfgar í Ameríku í þessu eins og öðru. Þar þarf þotan að vera með bremsur og hún má ekki fljúga hraðar en 200 mph þó önnur flugmódel megi það. Megnið af reglunum í kringum þoturnar í Ameríku voru settar af aðilum með litla þekkingu á málefninu.

Lítil þörf á þessu við ræsingu, þotumótorar rjúka ekki í gang eins og bensínmótorar og yfirleitt stendur flugmaðurinn(og jafnvel aðstoðarmaður á slökkvitæki) við það í gangsetningu til að fylgjast með ferlinu.

Í akstri myndi ég frekar vilja fá þotu á lappirnar á mér heldur en flugmódel með spaða framan á!

Á Vipernum þá notaði ég þær fyrst og fremst til að halda módelinu fyrir flugtak þegar ég keyrði mótorinn upp, notaði þær sáralítið í akstri nema þá helst til að stöðva vélina í lokin og hefði alveg getað sleppt því með því að nota bensíngjöfina öðruvísi.

En með vélum sem þurfa að lenda á tiltölulega stuttum völlum, sérstaklega malbikuðum, þá getur verið full ástæða til að nota bremsurnar í lendingu.

[Palmi]

Þetta er nátturulega bara snilld! Í Realflight sim eru bremsur yfirleitt mixaðar við down elevator, er það ekki?

[Sverrir]

Jú það er ein leið, ég hef líka notað sliderinn á hliðinni á fjarstýringunni, þá er líka hægt að nota hann eins og handbremsu, fara með hann alla leið í botn en vera með pinnana frjálsa. Misjafnt hvað menn nota, sumir nota aðra hvora aðferðina, aðrir nota þær saman.

Boomerang XL er með bremsurnar á hæðarstýrinu og Viper Jet var uppsett með þær eingöngu á slidernum.

[Messarinn]

Það er snilld að vera með bremsur til að stoppa módelið á bruni eftir malbiki, oft vantað svoleiðs á Melonum þegar það er logn. Er ekki hægt að útfæra eitthvað svona.. einhver

[Sverrir]

Þú gætir líka skorið bensínslöngu þunnt og smeygt henni á milli felgunnar og wheel collar og fengið þannig smá viðnám, munar ótrúlega miklu um það á malbikinu þó lítið sé.

[Sverrir]

Flottur marglaga finnskur krossviður sem er notaður í vélina og fylgir í smíðina.


Þrátt fyrir að hafa tekið mælinguna eftir bókinni þá hefði gatið fyrir vængboltann mátt vera ca. hálfum cm utar.


6mm bolti heldur vængnum svo á.


Aðalhjólastellið á sínum stað.


Og nefhjólið.


Eitthvað hafa þeir verið sparsamir á límið á vængendunum.

[Sverrir]

Missti borinn örlítið of langt en sem betur fer ekki of langt, næst verður settur stoppari á borinn þegar svona aðgerð verður framkvæmd.


Götin voru svo stækkuð fyrir gaddarærnar og smá Hysol sér um að halda þeim á sínum stað og loka óvæntu borskemmdunum.


Voila, eitt hjólastell komið á sinn stað.


Ég er loksins búinn að uppgötva góð not fyrir glóðareldsneyti!!!

[Sverrir]

Smá Hysol og límband reddar málunum.


Svo þarf að koma servóunum fyrir í vængjunum.


CompArf lætur allt fylgja til að smíða þessar servófestingar.


Hysol kemur enn og aftur við sögu.


Servó komið í lúguna og lúgan í vænginn.


Þá er bara að merkja fyrir hornunum í hallahæðarstýrið og taka svo úr þeim.


Svo er bara að bíða eftir að límið þorni og merkja inn stöðuna á horninu.


Hér sést skapalónið og búið að merkja inn staðsetninguna á horninu, svo er bara að endurtaka skrefin hér að ofan fyrir seinni vænginn.


En hvað er svo á bak við þessa lúgu?


EKKERT, ALLS EKKERT!


Skellum nokkrum skrúfum í götin og hættum að hafa áhyggjur af henni.

[Sverrir]

Ég hef nefnt það áður en þegar maður vill styrkja stjórnteina þá er fljótlegt og þægilegt að sníða til carbon rör og líma á milli tengjanna. Það eykur styrkinn í stjórnteininum með lítilli þyngdaraukningu. Svo skellir maður herpihólk yfir herlegheitin til að gera þau snyrtilegri.


Þá eru vængirnir nánast klárir, aðeins á eftir að tengja servóvíra og loftslöngur yfir í skrokkinn.